HOSEA 11
11
Uisneno In nek nafani In to le anbulalu
1 Uisneno nakua a'an nak,
“Au nek Israel na'ko afi in fe nabau,
Au boin upoitan Au anah le nane anpoi na'ko pah Mesir.
2Mes leka Au boin in piut
in na'lobon piut na'ko Kau.
In neki fuat ma notu klali
neu Baal ma uisneno teta bian.
3Au le i es unoina Israel le nane ma anse' in haen ma nao,
ma Au abul an in nok manekat.
Au es a'paloli in
mes in kan tebes fa.
4Au haumakan in neu Kau,
eki ale Au manekak.
Au ha'kaf ani in nukat,
ma Au hao in nok nek mahoe.
5Atoni-atoni Israel nane kan lomi fa hen fani nem neu Kau, es nane te so sin nao anfani neu pah Mesir, ma Asyur of naplenat sin. 6Makenat of antam antia sin kot-kot sin nanan, ma eno-eno naek of namle'u, ma Au nonot of sin namle'u. Lasi nane anbol natuin sin lomin anmes kun, 7ma namanub sin nekan he nati' nasaitan Kau. Of anhamu'i sin, mes of kan mu'i fa es he nati' nafetin sin maski nak sin anbai antoti hen bab sin.”
8 Uisneno nakua a'an nak, “Hoi Israel, of Au ka ufetin ko ai Au ka usaitan ko. Ai oni Au he ule'un ko onle Nai Adma? Ai Au mo'e ko onle Zeboim?
Ka nabe'i fa he nati' Au mo'e lasi nane, natuin Au manekak nane naek neu ko! 9Of Au ka kas ko fa anbi Au to'as ma Au maunu in nanan; of Au ka uskuku ko fa anteni. Natuin Au Uisneno Kau ma ka mansian Kau fa: Au, Le Knino Kau, ma of Au ok ko, ma ka uto'an ateni ko fa.”
10 Uisneno nakua a'an nak, “Au to of natuin Kau leka Au anbai onle meo asu ma mo'e sin musu natai. Au to nane of nem na'ko neno tesan neu he nati' nabes neu Kau. 11Na'ko Mesir sin of nem onle kolo, ma na'ko Asyur onle pukan kolo ot kase. Ma of Au eki ufeni sin neu sin ume. Au, Uisneno, es umolok onane.”
Currently Selected:
HOSEA 11: AOZ
Highlight
Copy
Compare
Share
Want to have your highlights saved across all your devices? Sign up or sign in
