KELUARAN 11
11
Nai Musa naton neu anmone nael of anmate
1 Uisneno nakua a'an neu Nai Musa nak, “Of Au usanut ateni snama mese neu Kesel Mesir ma in to. Nalali onane te, of in nafetin ki he him nao. Namneo in of anli'u ki na'ko bale i. 2Es nane te mumolok nai mok atoni Israel; amlenu sin he nati' sin antoti blua mnatu ma noni muti na'ko sin biaf le anhaumak sin.” 3Uisneno of anmo'e atoni Mesir sin nekan anmahoe neu atoni Israel. Ma Nai Musa anfani atoni le napeni kan tola nae le'uf na'ko ale anaet ma to pah Mesir ok-oke.
4Nai Musa nak neu kesel nak, “Uisneno nakua a'an nak on i, ‘Oni anbi leku fai atnanan of Au fun utef pah Mesir. 5Ale li'anmone nael anbi pah Mesir of anmate, naubon na'ko Kesel Mesir in anmone talantia li'ana na'ko ate bife le anfole ane kase. Mu'it in ana' le nahonis nahunun sin of anmate amsa. 6Anbi pah Mesir anfun natef of anmu'i kaet kulut le anaek, onle fe kan bol nit fa ma of kan bol anteni fa. 7Mes anbi atoni Israel, leko mansian ai mu'it Au mes ka umate fa sin. Ma of hi mihin nak Au, Uisneno, banaika atoni Mesir ma atoni Israel.’ ” 8Anbi amsoput Nai Musa namolok nak, “Ale au Usif ho anaet sin of nem ma nabes anbi au matak ma antoti kau he nati' au ma au to hai misaitan pah le i. Nalali onane te of au nao.” Oke te nok to'as anae le'uf Nai Musa nasaitan kesel.
9 Uisneno nakua a'an neu Nai Musa nak, “Kesel of ka nen fa ho molok sin, he nati' nabe'i Au mo'e lasi amkakat namfau anteni anfun natef pah Mesir.” 10Nai Musa ma Nai Harun anmo'e ale lasi amkakat nane anbi kesel in matan, mes Uisneno namanub in nekan, talante in kan lomi fa he nafetin atoni Israel he nasaitan in pah.
Currently Selected:
KELUARAN 11: AOZ
Highlight
Copy
Compare
Share
Want to have your highlights saved across all your devices? Sign up or sign in
