BILANGAN 9
9
Pesta Paskah na paduahon
1Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma, 2-3“Di tanggal opat bolas bulan on, mamungka sian na lusut mataniari, sude halak Israel angkon mamestahon Pesta Paskah mangihutkon aturan na dung nitotopkon.” 4Jadi disuru si Musa ma halak Israel mamestahon Pesta Paskah i. 5Jadi dung potang ari di tanggal opat bolas di bulan parjolo i, marpesta ma halahi di Parhorsihan Sinai. Sude dipatulus halahi tumbuk songon na dung diparentahon ni Tuhan i tu si Musa.
6Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun, 7ninna ma, “Na ramun do hami, angke dais hami tu bangke. Tapi biasi dipaolat hami, gabe so tarbaen be hami dohot manghaulkon haulnami tu Tuhan rap dohot angka kahangginami sabangso?”
8Dialusi si Musa ma, “Painte hamu jolo lopus adong hujagit hata ni Tuhan.”
9Disuru Tuhan i ma si Musa 10mandok tu halak Israel, “Muda adong ditonga-tongamunu sanga sian pomparanmunu na gabe ramun hara ni na dais tu bangke sanga betak adong hatiha di pardalanan na dao, tapi giot dohot ia mamestahon Pesta Paskah, 11tola do dohot ia mamestahon. Tapi dung salpu pe sabulan anso pestahononna, i ma di tanggal opat bolas bulan paduahon. Pestahon hamu ma disi lalu mangan roti na so marragi dohot sayur na paet. 12Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan. 13Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.
14Muda adong halak na leban na rap dohot hamu giot dohot marpesta Paskah, angkon pestahononnia do pesta i mangihutkon paraturan na mardomu tusi. Mangonai do uhum on tu sude jolma, bope halak Israel bope halak na leban.”
Ombun na marjilam
(Har. 40:34-38)
15-16Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api. 17Muda manaek ombun i dibuka halak Israel ma Bandar Parmianan anso mardalan halahi. Muda mijur ombun i dipajongjong halahi ma bandar i mangulahi. 18Marhite hata ni Tuhan, do dibuka halak Israel Bandar Parmianan, jana marhite hata ni Tuhan i muse nipasang mulak. Salolot di ginjang Bandar Parmianan Ni Tuhan i ombun i, laing tinggal disi ma halahi. 19Muda lolot ombun i tinggal di ginjang Bandar Parmianan, tunduk ma halahi tu Tuhan i jana nada pinda halahi. 20Tapi huhul hum sanga piga-piga ari ombun i di ginjang ni Bandar Parmianan. Sanga na bia pe, marguru tu parenta ni Tuhan i do na manontuhon laing tinggal sanga pinda halahi. 21Huhul sian andospotang tu manyogot do ombun i maradian, muda manaek ombun i, halahi pe pinda ma. Ganop manaek ombun i angkon pinda halahi. 22Bope na hum dua ari, sabulan, sataon sanga lobi, salolot tinggal ombun i di ginjang ni Bandar Parmianan Ni Tuhan nada morot halahi. 23Sanga na tinggal bangso Israel di sada inganan sanga pe kehe tu inganan na asing sude mangihutkon parenta ni Tuhan na nilehen ni Tuhan i marhite si Musa.
Currently Selected:
BILANGAN 9: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
BILANGAN 9
9
Pesta Paskah na paduahon
1Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma, 2-3“Di tanggal opat bolas bulan on, mamungka sian na lusut mataniari, sude halak Israel angkon mamestahon Pesta Paskah mangihutkon aturan na dung nitotopkon.” 4Jadi disuru si Musa ma halak Israel mamestahon Pesta Paskah i. 5Jadi dung potang ari di tanggal opat bolas di bulan parjolo i, marpesta ma halahi di Parhorsihan Sinai. Sude dipatulus halahi tumbuk songon na dung diparentahon ni Tuhan i tu si Musa.
6Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun, 7ninna ma, “Na ramun do hami, angke dais hami tu bangke. Tapi biasi dipaolat hami, gabe so tarbaen be hami dohot manghaulkon haulnami tu Tuhan rap dohot angka kahangginami sabangso?”
8Dialusi si Musa ma, “Painte hamu jolo lopus adong hujagit hata ni Tuhan.”
9Disuru Tuhan i ma si Musa 10mandok tu halak Israel, “Muda adong ditonga-tongamunu sanga sian pomparanmunu na gabe ramun hara ni na dais tu bangke sanga betak adong hatiha di pardalanan na dao, tapi giot dohot ia mamestahon Pesta Paskah, 11tola do dohot ia mamestahon. Tapi dung salpu pe sabulan anso pestahononna, i ma di tanggal opat bolas bulan paduahon. Pestahon hamu ma disi lalu mangan roti na so marragi dohot sayur na paet. 12Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan. 13Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.
14Muda adong halak na leban na rap dohot hamu giot dohot marpesta Paskah, angkon pestahononnia do pesta i mangihutkon paraturan na mardomu tusi. Mangonai do uhum on tu sude jolma, bope halak Israel bope halak na leban.”
Ombun na marjilam
(Har. 40:34-38)
15-16Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api. 17Muda manaek ombun i dibuka halak Israel ma Bandar Parmianan anso mardalan halahi. Muda mijur ombun i dipajongjong halahi ma bandar i mangulahi. 18Marhite hata ni Tuhan, do dibuka halak Israel Bandar Parmianan, jana marhite hata ni Tuhan i muse nipasang mulak. Salolot di ginjang Bandar Parmianan Ni Tuhan i ombun i, laing tinggal disi ma halahi. 19Muda lolot ombun i tinggal di ginjang Bandar Parmianan, tunduk ma halahi tu Tuhan i jana nada pinda halahi. 20Tapi huhul hum sanga piga-piga ari ombun i di ginjang ni Bandar Parmianan. Sanga na bia pe, marguru tu parenta ni Tuhan i do na manontuhon laing tinggal sanga pinda halahi. 21Huhul sian andospotang tu manyogot do ombun i maradian, muda manaek ombun i, halahi pe pinda ma. Ganop manaek ombun i angkon pinda halahi. 22Bope na hum dua ari, sabulan, sataon sanga lobi, salolot tinggal ombun i di ginjang ni Bandar Parmianan Ni Tuhan nada morot halahi. 23Sanga na tinggal bangso Israel di sada inganan sanga pe kehe tu inganan na asing sude mangihutkon parenta ni Tuhan na nilehen ni Tuhan i marhite si Musa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society