BILANGAN 10
10
Angka sarune sian perak
1Didok Tuhan ma tu si Musa, 2“Baen ma dua sarune sian perak na nitopa. Pake ma i marpio jolma i marlagut sanga manyuru mardalan. 3Muda ginjang sora ni sarune na dua i dibaen, mandok anso marlagut sude jolma i humaliang ho di jolo ni pintu ni Bandar ParmiananKu. 4Tapi muda hum sada sarune sajo do diombus, mandok anso hum pamimpin ni angka marga i marlagut humaliang ho. 5Muda pendek-pendek sora ni sarune i, mandok anso hum marga na marbandar sabola sian Habincaran do mardalan. 6Muda pendek-pendek sora ni sarune i paduanolihon mandok anso mardalan marga na sabola Selatan. Jadi muda sora na pendek do dipatubegehon laho mamarentahon angka jolma i mardalan. 7Tapi laho marpio jolma i marlagut, dipatubegehon ma sora na ginjang. 8Na mangombus sarune i angkon malim do, angka anak ni si Harun. Angka paraturan na deba nari angkon torus do ihutkononkon. 9Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu. 10Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”
Mardalan halak Israel
11Di tanggal dua puluh bulan dua taon paduahon dung ditinggalkon halak Israel tano Mesir, manaek ma ombun i di ginjang ni Bandar Parmianan Ni Tuhan. 12Halak Israel pe mamungka ma mardalan ruar sian Parhorsihan Sinai. Dung bolkas tu Parhorsihan Paran, maradian ma ombun i.
13Markobas ma halak Israel mardalan mangihutkon parenta ni Tuhan i marhite si Musa. 14Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab. 15Si Natanael anak ni si Zuar manguluhon barisan ni Marga Isakar, 16jana si Eliab anak ni si Helon manguluhon barisan ni Marga Zebulon.
17Dung dibuka Bandar Parmianan, mamungka ma mardalan horong ni Marga Gerson dohot Merari na mamorsan Bandar Parmianan.
18Di pudi ni halahi mardalan ma angka na di toru ni mandera parsadaan na niuluhon ni Marga Ruben, marudut ma angka parangan i na niuluhon ni si Elisur anak ni si Sedeur. 19Si Selumiel anak ni si Zurisiadai manguluhon barisan ni Marga Simeon, 20si Eliasap anak ni si Rehuel manguluhon barisan ni Marga Gad.
21Dung i mardalan ma Marga Levi sian horong ni Marga Kehat, lalu maroban barang-barang na badia. Di hatiha bolkas halahi tu parbandaran na giot topoton, madung sidung dipajongjong mangulahi Bandar Parmianan Ni Tuhan.
22Dung i mangihut muse ma halak na di toru ni mandera hasadaan na niuluhon ni Marga Efraim marudur angka tentara i na niuluhon ni si Elisama anak ni si Amihud. 23Si Gamaliel anak ni si Pedasur manguluhon barisan ni Marga Manase. 24Si Abidan anak ni si Gideoni ma na manguluhon Marga Benyamin.
25Parpudi mardalan ma angka na di toru ni mandera parsadaan ni Marga Dan. Halahi ma pangawal na parpudi sian sude barisan i. Mardalan ma angka tentara ni halahi, na niuluhon ni si Ahieser anak ni si Amisiadai. 26Si Pagiel anak ni si Okran manguluhon barisan ni Marga Aser, 27jana si Ahira anak ni si Enan manguluhon barisan ni Marga Naftali. 28Songon i ma susunan ni barisan i, sian angka barisan ni tentara maratur, asal giot kehe halahi pinda.
29Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”
30“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”
31“Ah, ulang ma tinggalkon hami,” ning si Musa, “ho ma gabe sipatudu dalan di hami, angke diboto ho do sanga di dia inganan na dumenggan marbandar di parhorsihan i. 32Muda diihutkon ho hami, gabe lehenonnami muse ma di ho angka pasupasu na nilehen ni Tuhan di hami.”
Mardalan ma halak Israel
33Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi. 34Salolot marpinda-pinda halahi sian ganop inganan parbandaran, sai tongtong do di ginjang ni halahi ombun ni Tuhan i muda arian.
35Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.” 36Jana ganop maradian Poti Parjanjian i, didok si Musa ma, “Mulak ma Ho ale Tuhan tu halak Israel na marribu-ribu i.”
Currently Selected:
BILANGAN 10: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
BILANGAN 10
10
Angka sarune sian perak
1Didok Tuhan ma tu si Musa, 2“Baen ma dua sarune sian perak na nitopa. Pake ma i marpio jolma i marlagut sanga manyuru mardalan. 3Muda ginjang sora ni sarune na dua i dibaen, mandok anso marlagut sude jolma i humaliang ho di jolo ni pintu ni Bandar ParmiananKu. 4Tapi muda hum sada sarune sajo do diombus, mandok anso hum pamimpin ni angka marga i marlagut humaliang ho. 5Muda pendek-pendek sora ni sarune i, mandok anso hum marga na marbandar sabola sian Habincaran do mardalan. 6Muda pendek-pendek sora ni sarune i paduanolihon mandok anso mardalan marga na sabola Selatan. Jadi muda sora na pendek do dipatubegehon laho mamarentahon angka jolma i mardalan. 7Tapi laho marpio jolma i marlagut, dipatubegehon ma sora na ginjang. 8Na mangombus sarune i angkon malim do, angka anak ni si Harun. Angka paraturan na deba nari angkon torus do ihutkononkon. 9Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu. 10Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”
Mardalan halak Israel
11Di tanggal dua puluh bulan dua taon paduahon dung ditinggalkon halak Israel tano Mesir, manaek ma ombun i di ginjang ni Bandar Parmianan Ni Tuhan. 12Halak Israel pe mamungka ma mardalan ruar sian Parhorsihan Sinai. Dung bolkas tu Parhorsihan Paran, maradian ma ombun i.
13Markobas ma halak Israel mardalan mangihutkon parenta ni Tuhan i marhite si Musa. 14Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab. 15Si Natanael anak ni si Zuar manguluhon barisan ni Marga Isakar, 16jana si Eliab anak ni si Helon manguluhon barisan ni Marga Zebulon.
17Dung dibuka Bandar Parmianan, mamungka ma mardalan horong ni Marga Gerson dohot Merari na mamorsan Bandar Parmianan.
18Di pudi ni halahi mardalan ma angka na di toru ni mandera parsadaan na niuluhon ni Marga Ruben, marudut ma angka parangan i na niuluhon ni si Elisur anak ni si Sedeur. 19Si Selumiel anak ni si Zurisiadai manguluhon barisan ni Marga Simeon, 20si Eliasap anak ni si Rehuel manguluhon barisan ni Marga Gad.
21Dung i mardalan ma Marga Levi sian horong ni Marga Kehat, lalu maroban barang-barang na badia. Di hatiha bolkas halahi tu parbandaran na giot topoton, madung sidung dipajongjong mangulahi Bandar Parmianan Ni Tuhan.
22Dung i mangihut muse ma halak na di toru ni mandera hasadaan na niuluhon ni Marga Efraim marudur angka tentara i na niuluhon ni si Elisama anak ni si Amihud. 23Si Gamaliel anak ni si Pedasur manguluhon barisan ni Marga Manase. 24Si Abidan anak ni si Gideoni ma na manguluhon Marga Benyamin.
25Parpudi mardalan ma angka na di toru ni mandera parsadaan ni Marga Dan. Halahi ma pangawal na parpudi sian sude barisan i. Mardalan ma angka tentara ni halahi, na niuluhon ni si Ahieser anak ni si Amisiadai. 26Si Pagiel anak ni si Okran manguluhon barisan ni Marga Aser, 27jana si Ahira anak ni si Enan manguluhon barisan ni Marga Naftali. 28Songon i ma susunan ni barisan i, sian angka barisan ni tentara maratur, asal giot kehe halahi pinda.
29Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”
30“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”
31“Ah, ulang ma tinggalkon hami,” ning si Musa, “ho ma gabe sipatudu dalan di hami, angke diboto ho do sanga di dia inganan na dumenggan marbandar di parhorsihan i. 32Muda diihutkon ho hami, gabe lehenonnami muse ma di ho angka pasupasu na nilehen ni Tuhan di hami.”
Mardalan ma halak Israel
33Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi. 34Salolot marpinda-pinda halahi sian ganop inganan parbandaran, sai tongtong do di ginjang ni halahi ombun ni Tuhan i muda arian.
35Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.” 36Jana ganop maradian Poti Parjanjian i, didok si Musa ma, “Mulak ma Ho ale Tuhan tu halak Israel na marribu-ribu i.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society