HAMALIMON 19
19
Tona habadiaan dohot hatigoran
1Disuru Tuhan i ma si Musa, 2pabolkaskon tu bangso Israel, parenta na songon on, “Angkon badia do hamu, harana Au, Tuhan Debatamunu na badia do. 3Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.
4Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.
5Muda manyambol pahan-pahanan hamu sipasahatonmunu gabe haul haluaan, angkon ihutkononmunu do angka paraturan na dung Hulehen i, gabe jagitonKu ma haulmunu i. 6Juhut ni pahan-pahanan i angkon panganon di ari i, disi nisambol pahan-pahanan i, sanga ancogotna i. Juhut na lobi di ari patoluhon angkon nitutung sude 7angke na haram do juhut i. Muda laing dipangan do nada jagitonKu be haul i. 8Sanga ise mangankon juhut i, madung sala ia angke barang na dung mardohonan tu Au gabe songon barang hasomalan dibaensa. Nada etongon be halak na songon i halakKu.
9Muda manyabi hamu ulang sabi hamu angka gandum na tubu di topi-topi ni ladang i, jana ulang ulahi hamu manyabi turiangna. 10Ulang ulahi hamu tu kobun anggurmu papungu batuna na tinggal i sanga palagut batuna na mardabuan. Tinggalkon ma i di halak na pogos bope di halak na leban. Au do Tuhan Debatamu.
11Ulang ho manangko, mangicu sanga margabus. 12Ulang janjihon sanga aha pe marhite goarKu, muda so giot patulusonmu janjimi. Au do Tuhan Debatamu. 13Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin. 14Ulang burai na maingol, jana ulang baen sanga aha tu jolo ni halak na mapitung anso tartuktuk ia. Habiari ma Au, Au do Tuhan Debatamu.
15Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora. 16Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.
17Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia. 18Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.
19Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.
20Umpamana sada halaklahi madung marjanji giot manggadis dadaboru hatobannia tu sada halaklahi na asing gabe tunangannia. Taran so digarar halak na manobusi hatoban i, hape marcampur nampuna hatoban i dohot hatobanna i, gabe uhumon ma na dua i, tapi ulang jabat mate, angke sanga na bia pe laing hatobannia do i. 21Angkon obanon ni halaklahi i ma sada biri-biri jantan tu pintu ni Bandar Parmianan Ni Tuhan gabe haul hasesaan ni dosa. 22Haulkonon ni malim ma biri-biri i di bagasan upacara mambaen badia anso sesa dosa ni halakna i, gabe ampunan ni Debata ma halakna i.
23Muda masuk hamu tu Kanaan, jana manyuan hayu na marparbatu sanga aha pe i, angkon etongon ni rohamunu do na haram batuna i salolot tolu taon parjolo. Salolot ni i nada tola panganonmunu parbatuna. 24Di taon paopatkon sude batuna angkon lehenon gabe haul laho patidahon hatarimakasion tu Au, Tuhanmu. 25Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.
26Ulang pangan juhut anggo laing marmudar dope. Ulang mamake elmu na songon dia pe. 27Ulang gunting obuk di topi ni ulumu sanga mancukur janggutmu. 28Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.
29Ulang patoruk sangap ni angka dadaboru mambaen halahi gabe siboru jalang di angka inganan parsombaan ni debata sileban.#19:29 Siboru jalang di inganan ni debata sileban: Dadaboru siboru jalang i, bahat dapot di panyombaan ni halak Kanaan, inganan panyombaan ni debata na mambaen napu. Haporsayaan ni halahi, muda marcampur dohot dadaboru siboru jalang gabe mangalehen jaminan di sinur na pinahan, gabe na niula. Muda dibaen hamu songon i, gabe sombaonmunu ma angka debata sileban i, gabe bahat ma karejo na so tupa di luatmu. 30Ingot ma Ari Sabat jana pasangap ma sanga di dia inganan manyomba Au. Au do Tuhan.
31Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.
32Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.
33Tu halak na leban na maringanan di luatmu, ulang baen tu halahi na so pade. 34Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.
35Ulang tipu halak na asing mamake suhat-suhat na palsu, bope ukuran ginjang, ukuran borat sanga takaran pe. 36Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir. 37Ihutkon ma sude aturan dohot parentangKu, Au do Tuhan.”
Currently Selected:
HAMALIMON 19: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HAMALIMON 19
19
Tona habadiaan dohot hatigoran
1Disuru Tuhan i ma si Musa, 2pabolkaskon tu bangso Israel, parenta na songon on, “Angkon badia do hamu, harana Au, Tuhan Debatamunu na badia do. 3Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.
4Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.
5Muda manyambol pahan-pahanan hamu sipasahatonmunu gabe haul haluaan, angkon ihutkononmunu do angka paraturan na dung Hulehen i, gabe jagitonKu ma haulmunu i. 6Juhut ni pahan-pahanan i angkon panganon di ari i, disi nisambol pahan-pahanan i, sanga ancogotna i. Juhut na lobi di ari patoluhon angkon nitutung sude 7angke na haram do juhut i. Muda laing dipangan do nada jagitonKu be haul i. 8Sanga ise mangankon juhut i, madung sala ia angke barang na dung mardohonan tu Au gabe songon barang hasomalan dibaensa. Nada etongon be halak na songon i halakKu.
9Muda manyabi hamu ulang sabi hamu angka gandum na tubu di topi-topi ni ladang i, jana ulang ulahi hamu manyabi turiangna. 10Ulang ulahi hamu tu kobun anggurmu papungu batuna na tinggal i sanga palagut batuna na mardabuan. Tinggalkon ma i di halak na pogos bope di halak na leban. Au do Tuhan Debatamu.
11Ulang ho manangko, mangicu sanga margabus. 12Ulang janjihon sanga aha pe marhite goarKu, muda so giot patulusonmu janjimi. Au do Tuhan Debatamu. 13Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin. 14Ulang burai na maingol, jana ulang baen sanga aha tu jolo ni halak na mapitung anso tartuktuk ia. Habiari ma Au, Au do Tuhan Debatamu.
15Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora. 16Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.
17Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia. 18Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.
19Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.
20Umpamana sada halaklahi madung marjanji giot manggadis dadaboru hatobannia tu sada halaklahi na asing gabe tunangannia. Taran so digarar halak na manobusi hatoban i, hape marcampur nampuna hatoban i dohot hatobanna i, gabe uhumon ma na dua i, tapi ulang jabat mate, angke sanga na bia pe laing hatobannia do i. 21Angkon obanon ni halaklahi i ma sada biri-biri jantan tu pintu ni Bandar Parmianan Ni Tuhan gabe haul hasesaan ni dosa. 22Haulkonon ni malim ma biri-biri i di bagasan upacara mambaen badia anso sesa dosa ni halakna i, gabe ampunan ni Debata ma halakna i.
23Muda masuk hamu tu Kanaan, jana manyuan hayu na marparbatu sanga aha pe i, angkon etongon ni rohamunu do na haram batuna i salolot tolu taon parjolo. Salolot ni i nada tola panganonmunu parbatuna. 24Di taon paopatkon sude batuna angkon lehenon gabe haul laho patidahon hatarimakasion tu Au, Tuhanmu. 25Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.
26Ulang pangan juhut anggo laing marmudar dope. Ulang mamake elmu na songon dia pe. 27Ulang gunting obuk di topi ni ulumu sanga mancukur janggutmu. 28Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.
29Ulang patoruk sangap ni angka dadaboru mambaen halahi gabe siboru jalang di angka inganan parsombaan ni debata sileban.#19:29 Siboru jalang di inganan ni debata sileban: Dadaboru siboru jalang i, bahat dapot di panyombaan ni halak Kanaan, inganan panyombaan ni debata na mambaen napu. Haporsayaan ni halahi, muda marcampur dohot dadaboru siboru jalang gabe mangalehen jaminan di sinur na pinahan, gabe na niula. Muda dibaen hamu songon i, gabe sombaonmunu ma angka debata sileban i, gabe bahat ma karejo na so tupa di luatmu. 30Ingot ma Ari Sabat jana pasangap ma sanga di dia inganan manyomba Au. Au do Tuhan.
31Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.
32Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.
33Tu halak na leban na maringanan di luatmu, ulang baen tu halahi na so pade. 34Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.
35Ulang tipu halak na asing mamake suhat-suhat na palsu, bope ukuran ginjang, ukuran borat sanga takaran pe. 36Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir. 37Ihutkon ma sude aturan dohot parentangKu, Au do Tuhan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society