HAMALIMON 18
18
Parsaripeon na badia
1Disuru Tuhan ma si Musa, 2pabolkaskon angka aturan on tu halak Israel, “Au do Tuhan Debatamu. 3Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu. 4Radoti ma angka uhum na sian Au jana karejohon ma na Huparentahon. Au do Tuhan Debatamu. 5Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”
6Dilehen Tuhan dope angka aturan. Sanga ise pe nada tola marcampur dohot sada halak sian sisolkotna. 7Ulang marcampur ho dohot inangmu anso ulang gabe martilako natorasmu halaklahi dohot natorasmu dadaboru. 8Ulang palayas amangmu marhite na marcampur dohot sada halak sian angka dadaborunia na asing. 9Nada tola marcampur dohot ibotomu sanga pe ibotomu na asing ina, haru pe na nipagodang sabagas dohot ho sanga nada. 10Ulang ho marcampur dohot pahompumu, harana parohon tilako do i di ho sandiri. 11Ulang ho marcampur dohot ibotomu donganmu saama sanga saina, angke ibotomu do ia. 12-13Ulang ho marcampur dohot bujingmu sanga pe iboto ni amangmu sanga anggi ni inangmu. 14Ulang ho marcampur dohot dadaboru ni udamu, sanga inangtuamu, angke inangmu do i. 15Nada tola marcampur dohot parumaenmu, 16sanga dohot dadaboru ni angkangmu. 17Ulang marcampur dohot boru sanga pahompu dadaboru ni sada dadaboru na jungada dicampuri ho. Angke tontu adong do parmudaron ni halahi tu ho, angke pangalaho na mangalaosi adat do i. 18Ulang baen gabe dadaborumu anggi ni dadaborumu, anggo laing mangolu dope dadaborumi.
19Nada tola marcampur dohot sada dadaboru salolot ro bulanna, angke hatiha na ramun do ia. 20Ulang marcampur dohot dadaboru ni halak na asing, pangalaho na songon i mambaen ramun ho. 21Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i. 22Nada tola pardadaboruon ni halaklahi donganna halaklahi, hagigian ni Debata do pangalaho na songon i. 23Sude hamu, halaklahi sanga dadaboru nada tola marcampur tu angka pahan-pahanan, pangalaho na jahat songon i mambaen ho ramun.
24Ulang pahodar dirimu hara ni angka pangalaho na songon i, angke songon i do halak parbegu mambaen ramun dirina, i ma halak na maringanan di Kanaan taran so hamu. Hara ni i ma dibaen dipakehe Tuhan halahi, anso taringani hamu luat i. 25-27Dibaen madung dikarejohon halahi sude angka karejo hagigian i, gabe ramun ma tano i. Gabe diuhum Tuhan ma halahi, nada diloas be halahi maringanan disi. Tapi anggo hamu, ulang ma karejohon hamu angka karejo na songon i. Sude hamu halak Israel dohot halak na leban na tinggal rap dohot hamu, angkon karejohononmunu do sude aturan ni Tuhan, 28anso ulang diuhum Tuhan i hamu jana ulang dipakehe songon halak parbegu na mangingani luat i taran so masuk hamu. 29Boto hamu ma, sanga ise na mangkarejohon karejo sihagigian i, angkon agohonon ma ia sian tonga-tonga ni bangsona.
30Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”
Currently Selected:
HAMALIMON 18: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HAMALIMON 18
18
Parsaripeon na badia
1Disuru Tuhan ma si Musa, 2pabolkaskon angka aturan on tu halak Israel, “Au do Tuhan Debatamu. 3Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu. 4Radoti ma angka uhum na sian Au jana karejohon ma na Huparentahon. Au do Tuhan Debatamu. 5Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”
6Dilehen Tuhan dope angka aturan. Sanga ise pe nada tola marcampur dohot sada halak sian sisolkotna. 7Ulang marcampur ho dohot inangmu anso ulang gabe martilako natorasmu halaklahi dohot natorasmu dadaboru. 8Ulang palayas amangmu marhite na marcampur dohot sada halak sian angka dadaborunia na asing. 9Nada tola marcampur dohot ibotomu sanga pe ibotomu na asing ina, haru pe na nipagodang sabagas dohot ho sanga nada. 10Ulang ho marcampur dohot pahompumu, harana parohon tilako do i di ho sandiri. 11Ulang ho marcampur dohot ibotomu donganmu saama sanga saina, angke ibotomu do ia. 12-13Ulang ho marcampur dohot bujingmu sanga pe iboto ni amangmu sanga anggi ni inangmu. 14Ulang ho marcampur dohot dadaboru ni udamu, sanga inangtuamu, angke inangmu do i. 15Nada tola marcampur dohot parumaenmu, 16sanga dohot dadaboru ni angkangmu. 17Ulang marcampur dohot boru sanga pahompu dadaboru ni sada dadaboru na jungada dicampuri ho. Angke tontu adong do parmudaron ni halahi tu ho, angke pangalaho na mangalaosi adat do i. 18Ulang baen gabe dadaborumu anggi ni dadaborumu, anggo laing mangolu dope dadaborumi.
19Nada tola marcampur dohot sada dadaboru salolot ro bulanna, angke hatiha na ramun do ia. 20Ulang marcampur dohot dadaboru ni halak na asing, pangalaho na songon i mambaen ramun ho. 21Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i. 22Nada tola pardadaboruon ni halaklahi donganna halaklahi, hagigian ni Debata do pangalaho na songon i. 23Sude hamu, halaklahi sanga dadaboru nada tola marcampur tu angka pahan-pahanan, pangalaho na jahat songon i mambaen ho ramun.
24Ulang pahodar dirimu hara ni angka pangalaho na songon i, angke songon i do halak parbegu mambaen ramun dirina, i ma halak na maringanan di Kanaan taran so hamu. Hara ni i ma dibaen dipakehe Tuhan halahi, anso taringani hamu luat i. 25-27Dibaen madung dikarejohon halahi sude angka karejo hagigian i, gabe ramun ma tano i. Gabe diuhum Tuhan ma halahi, nada diloas be halahi maringanan disi. Tapi anggo hamu, ulang ma karejohon hamu angka karejo na songon i. Sude hamu halak Israel dohot halak na leban na tinggal rap dohot hamu, angkon karejohononmunu do sude aturan ni Tuhan, 28anso ulang diuhum Tuhan i hamu jana ulang dipakehe songon halak parbegu na mangingani luat i taran so masuk hamu. 29Boto hamu ma, sanga ise na mangkarejohon karejo sihagigian i, angkon agohonon ma ia sian tonga-tonga ni bangsona.
30Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society