JOSUA 16

Luat na ditontuhon baen di Efraim dohot Manase Parhasundutan

1Garis batas ni tano na ditontuhon baen di pomparan ni si Josep, mamungka do sian Batang aek Jordan di lambung ni Jeriko, sabola Habincaran ni angka mual ni aek ni Jeriko lopus tu parhorsihan. Sian Jeriko, manangkok ma garis i lalu tu Betel di luat pardolok. 2Sian Betel, torus ma garis i tu Lus manyalpui Atarot, i ma inganan ni angka halak Arki. 3Sian i tu Hasundutan ma garis i tu luat ni bangso Jaflet, lalu tu Bet-Horon parjae. Sian i muse tu Geser, jana marujung di Laut Tonga.

4I ma luat na dilehen tu Marga Manase Parhasundutan dohot Efraim pomparan ni si Josep baen tano pusako ni halahi.

Efraim

5Dipajojor muse dison angka batas ni tano na dilehen tu angka marga na sian horong Efraim. Sabola Habincaran, mamungka ma batas ni tano ni halahi sian Atarot Adar lopus tu Bet-Horon-Julu, 6lalu torus tu Laut Tonga. Di Utarana i ma Mikmetat. Di Habincaran, mangeldok ma garis ni batas i mangadop tu Taanat-Silo, lopus tu Habincaran ni Janoah. 7Sian i mijur ma garis i tu Atarot dohot Naharat, lalu torus tu Jeriko jana marujung ma i di Batang aek Jordan. 8Sabola Hasundutan, mamungka garis batas ni Efraim i sian Tapuah lalu tu anak ni Batang aek Kana, lalu marujung di Laut Tonga. I ma tano na dilehen tu angka marga na sian horong Efraim baen bagian ni halahi, 9dohot piga-piga kota maradu angka luat na adong di tano ni Manase. 10Tapi nada diusir Efraim halak Kanaan ruar sian Geser. I ma dalanna lopus tu saonnari laing maringanan halak Kanaan di Geser rap dohot halak Efraim, tapi dipaksa do halahi markarejo baen di halak Efraim.

Currently Selected:

JOSUA 16: LAIAKB

Highlight

Copy

Compare