HOSEA 3

Si Hosea dohot ripena na so tigor

1Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”#3:1 MANGHAULKON ROTI KISMIS TU GANA-GANAAN: Batu ni anggur na dung mahiang dipake do i laho manghaulkon haul tu dewa hagabean, na didok mangihutkon haporsayaan margogo do i pagabe na niula ni angka halak na marsomba tusi.

2Jadi hutobusi ma ia di au, hulehen ma lima bolas hepeng perak songon tobusna dohot 150 kilogram bajaure. 3Hudokkon ma tusia, “Lolot do ho tinggal rap dohot au nada manggampang be ho jana nada marhalaklahi; jana au on pe nada marhamainan dohot ho.” 4Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim. 5Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

Currently Selected:

HOSEA 3: LAIAKB

Highlight

Copy

Compare