JEHESKIEL 15
15
Tudosan tu bona ni anggur
1Dung i ro ma hata ni Tuhan tu au: 2“Ale anak ni jolma, aha dehe halobian ni bona ni anggur sian bona ni hayu na asing na di harangan i, na mamparbatuhon parbatu na tudos tu anggur? 3Tarbaen ma he hayuna i gabe bagi aha? Tarbaen ma he i gabe sangkotan ni parkokas? 4Nada adong guna ni i asing sian baenon soban. Jana muda dung abis mosok ujungna na dua i mosok muse ditonga-tonga, adong dope he guna ni i? 5Nada adong be i! Salang painte so ditutung, na so tarpagunahon do i. Mur ma dung ditutung jana gabe tiranggong dibaen api, tarpake dope he i mambaen parkokas?”
6Jadi hara ni i didok Tuhan Debata i ma, “Songon bona ni anggur na nibuat sian harangan jana ditutung, songon i muse ma giot baenonKu halak Jerusalem! 7Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi. 8Nada setia halahi tu Au, jadi hara ni i, Hubaen ma luat i gabe mamolngit, Au Tuhan Debata madung mandok songon i.”
Currently Selected:
JEHESKIEL 15: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
