SEULAWEUT AGONG 5
5
Agam
1UlĂ´n kujak u lampĂ´h lĂ´n, adoe teusayang, dara barĂ´ lĂ´n,
ulĂ´n gumpĂ´i mur dan reumpah-reumpah lĂ´n;
ulôn makheun uempueng unö dan meulisan lôn,
ulôn jieb susu dan ié anggô lôn.
Ureuëng-ureuëng inong
Makheun dan jieb kheueh ié, hai rakan-rakan lôn,
neujieb kheueh sampoe án mabök asmara.
Ca-e nyang keu peuet
Inong
2Ulôn teungéut, teuma até ulôn teutab meujaga.
Deungoe kheueh geunaséh ulôn jikeutok pintoe.
Agam
Peuhah kheueh pintoe, adoe ulôn boh até aduen,
mirah pati lôn, pujaan até lôn;
ulée lôn basah kareuna keunong iémbon,
dan ôk lôn ka peunoh deungon titek-titek iémbon malam.
Inong
3Bajée ulôn ka lheueh ulôn sut;
peu kheueh bajée nyan lôn sök lom?
Gaki ulĂ´n ka lheueh ulĂ´n rhah,
peu kheueh lĂ´n peukuto lom?
4Meugám-gám yo até lôn
kareuna geunaséh ulôn geureugam sinumpang pintoe.
5Teuma teubeudĂ´h kheueh ulĂ´n
keuneuk peuhah pintoe keu geunaséh lôn.
Mur ka tijoh nibak jaroe dan ruweueng-ruweueng jaroe lĂ´n,
sampoe ánbasah teumpat mumat bak gunci pintoe.
6Ulôn peuhah pintoe keu geunaséh lôn,
teuma gobnyan ka geugisa dan geujak keulai.
UlĂ´n lumpah that meucen ubak su gobnyan;
lĂ´n mita gobnyan, teuma sia-sia.
UlĂ´n hĂ´i nan gobnyan,
teuma gobnyan teutab hana geuseuĂ´t.
7Ulôn jiteumé lé ureuëng nyang teungoh meurondo dalam banda;
laju ulôn jipôh lé awaknyan sampoe ulôn luka,
ija seulendang lôn jicok lé awaknyan deungon paksa.
8Meujanji kheueh, hai putroe-putroe Yerusalem,
meunyoe gata meurumpok deungon geunaséh ulôn,
neupeugah kheueh ubak gobnyan,
bahwa ulôn keunong peunyakét cinta.
Ureuëng-ureuëng inong
9Peu kheueh geunaséh gata meuleubeh nibak geunaséh-geunaséh nyang laén,
hai dara maméh nyang paleng jeulita?
Peu kheueh geunaséh gata meuleubeh nibak geunaséh-geunaséh nyang laén,
seuhingga droeneueh neuyue nibak kamoe meujanji?
Inong
10Geunaséh ulôn gagah dan tampan,
leubeh lagak nibak ureuëng nyang siploh ribée droe.
11Ulée gobnyan lagée méuh, méuh nyang aseuli,
ôk nibak ulée gobnyan patah manyang dan itam, saban lagée itam cicém gagak.
12Mata gobnyan lagée mata mirah pati nibak mata ié,
cicém mirah pati nyang manou deungon ié susu, teuduek dibinéh kulam.
13Mieng gobnyan lagée lampôh reumpah nyang paleng mangat bhée,
bibi gobnyan lagée bungöng bakong nyang ro meutrab-trab mur aseuli.
14Jaroe gobnyan gagah, meu euncien méuh deungon peumata,
tuboh gobnyan lagée batée gadeng nyang meutatah batée nilam.
15Gaki gobnyan lagée taméh-taméh marmer nyang putéh,
deungon sandi méuh nyang murni.
Potrom badan gobnyan lagak lagée gunong geumunong nyang na di Libanon,
dan anggon jih sa lagée bak kayée aras.
16Lumpah that maméh tutoe haba gobnyan,
peue mantong nyang na nibak gobnyan sangat meunarek.
Meunan kheueh geunaséh dan sahabat ulôn,
hai putroe-putroe Yerusalem!
Currently Selected:
SEULAWEUT AGONG 5: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
