ROMA 9
9
Allah ngon umat Gobnyan nyang geupiléh
1Peue nyang ulôn peugah nyoe na kheueh beutôi sabab ulôn atra Almaseh. Ulôn hana sulet. Até nurani ulôn nyang jibimbéng lé Roh Allah, geupeu yakén ulôn bahwa haba ulôn nyoe beutôi. 2Ulôn biet that seudeh dan até ulôn meudeurita 3sabab syedara-syedara lôn nyang saboh bansa ngon ulôn. Sabab keu awaknyan, ulôn keudroe rila geukutôk lé Allah dan geupeucre nibak Almaseh. 4#Keu. 9:4 Awaknyan na kheueh umat nyang teupiléh dan Allah geupeujeuet awaknyan sibagoe aneuëk-aneuëk geuh keudroe, dan geupeugah kuasa Gobnyan bak awaknyan. Gobnyan geupeuna peujanjian#peujanjian: padub-padubboh naseukah kuno: peujanjian-peujanjian. ngon awaknyan dan geubri keu awaknyan huköm agama. Allah geubri tée bak awaknyan pakriban awaknyan meu iébadat dan awaknyan ka teuma jiteurimong janji-janji Gobnyan. 5Awaknyan na kheueh keuturonan nibak indatu tanyoe. Almaseh seucara manusia asai jih nibak bansa awaknyan. Gobnyan leubeh manyang nibak banmandum. Teupujoe kheueh Allah keu siumu masa!#Teupujoe kheueh Allah keu siumu masa!: atawa Gobnyan kheueh Po teu Allah nyang kuasa banmandum nyan: teupujoe kheueh Gobnyan keu siumu masa. Amin.
6Ulôn hana meukeusut ulôn peugah bahwa janji Allah ka hana laku le; teuma kon mandum ureuëng Israel umat nyang geupiléh lé Allah. 7#Keuj. 21:12 Kon banmandum keuturonan Nabi Ibrahim na kheueh aneuëk-aneuëk Allah. Sabab Allah meufeureuman ubak Nabi Ibrahim lagée nyoe, “Keuturonan Nabi Ishaq mantong kheueh nyang teupeugah keuturonan gata.” 8Nyan meumakna bahwa keuturonan Nabi Ibrahim nyang jeuet keu aneuëk-aneuëk Allah, na kheueh keuturonan nyang lahé ngon sabab janji Allah; dan bukon mandum keuturonan gobnyan.#bukon mandum keuturonan gobnyan: nyoe teutunyok ubak keuturonan Nabi Ibrahim nyang lahé nibak Nabi Ismail, aneuëk gobnyan nyang lahé nibak Hagar (kalon Gal. 4:22-23). 9#Keuj. 18:10 Sabab janji Allah na kheueh lagée nyoe, “Bak watée nyang ka teupeuteuntée,#Bak watée nyang ka teupeuteuntée: atawa Bak watée lagée nyoe thon ukeue. Ulôn teuma Lôn gisa, dan Sara teuma jipeulahé sidroe aneuëk agam.”
10Dan nyoe lom: Ribka teuma jipeulahé dua droe aneuëk agam nibak saboh yah, na kheueh Nabi Ishaq indatu geutanyoe. 11Sigohlom mandua droe aneuëk nyan lahé, Allah ka geupeuteuntée piléhan Gobnyan keu seulanjut jih. Nyang geupiléh lé Allah nyan hana meugantueng nibak peue nyang hase jipeubuet lé manusia, teuma meugantueng ubak panggelan Allah keudroe. Sabab bak watée mandua droe aneuëk agam Ribka nyan gohlom hase jipeubuet nyang gét atawa nyang jeuhet, 12#Keuj. 25:23 Allah ka meufeureuman ubak Ribka, “Nyang tuha teuma jipeutimang nyang muda.” 13#Mal. 1:2-3 Lam Alkitab na teutuléh bahwa Allah meufeureuman lagée nyoe, “Nabi Yakub Ulôn gaséh, teuma Esau Ulôn banci.”
14Peu kheueh keusimpolan tanyoe jinoenyoe? Peu kheueh Allah nyan hana ade? Ka teuntée Allah ade! 15#Keu. 33:19 Sabab Allah meufeureuman ubak Nabi Musa lagée nyoe, “Ulôn kutunyok rakhmat ubak ureuëng nyang Ulôn keuneuk tunyok rakhmat, dan Ulôn Lôn bri rasa gaséh ubak ureuëng nyang Lôn tem bri rasa gaséh.” 16Ngon lagée nyan keuputosan Allah nyan bukon kheueh meugantueng ateueh keurilaan manusia atawa ateueh useuha manusia, teuma ateueh keugét até Allah mantong ateueh ureuëng-ureuëng nyang geupiléh nyan. 17#Keu. 9:16 Sabab lam Alkitab na teutuléh lagée nyoe, “Allah meufeureuman ubak Raja Nanggroe Meusé, ‘Ulôn peujeuet gata keuraja teuma saboh meukeusut nyoe mantong, na kheueh mangat ngon gata, Ulôn kutunyok keukuasaan Lôn dan teupeujeuet nan Ulôn meusyeuhu bansigom donya.’ ” 18Ngon lagée nyan, Allah na gaséh sayang ateueh sidroe-droe ureuëng, meunyoe Allah geukeuheundak nyang lagée nyan. Dan lé Allah teupeusabab sidroe-droe ureuëng jeuet kreueh ulée, meunyoe Allah geulakée lagée nyan.
Meureuka Allah dan gét até Allah
19Ngon lagée nyan, Gata teuma tapeugah ubak ulôn, “Meunyoe meunan pakon mantong geupeusalah manusia? Kon kheueh hana meusidroe manusia pih nyang hase jitam keuheundak Allah?” 20#Yes. 29:16, 45:9 Teuma Syedara! Gata na kheueh manusia biasa. Dan hana jeuet Gata seuôt bak Po teu Allah! Peu kheueh jeuet pot bungöng jitanyong bak nyang peugét jih, “Keupeue gata peugét ulôn lagée nyoe?” 21Kon kheueh ureuëng nyang peugét pot bungöng nyan na hak jipeugét tanoh kliet nyan ban galak droe jih? Nibak saboh geucai tanoh kliet, ureuëng nyan na hak jipeugét dua macam pot bungöng: saboh nyang gét, dan nyang laén kureueng gét.
22Meunan cit teuma nyang geupeugét lé Allah. Gobnyan na niet keuneuk peuleumah beungéh geuh dan geupeuleumah kuasa Gobnyan. Teuma Gobnyan saba ateueh awaknyan nyang harôh teuhuköm sabab jipeujeuet Gobnyan teumeureuka. 23Meunan cit Allah na niet keuneuk peuleumah nibak geutanyoe bahgia nyang meulimpah ruah nyang geuro ateueh geutanyoe nyang geugaséh. Tanyoe ka geupeu siab keutateurimong keubahgiaan nyan. 24Tanyoe kheueh nyang ka geutawök, kon mantong nibak bansa Yahudi, teuma meunan cit ateueh bansa laén. 25#Hos. 2:23 Sabab lam kitab Nabi Hosea, Allah meufeureuman,
“Ureuëng-ureuëng nyang kon umat Lôn,
teuma Lôn peugah ‘Umat Lôn’,
Bansa nyang hana Ulôn gaséh,
teuma Lôn peugah ‘Geunaséh Ulôn’,
26 #
Hos. 1:10
Dan bak teumpat nyang jipeugah bak ureuëng, ‘Gata kon umat Lôn,’
nibak teumpat nyan ureuëng-ureuëng teuma teupeugah aneuëk-aneuëk Allah nyang udeb.”
27 #
Yes. 10:22-23
Nabi Yesaya geupeugah ngon teugaih keuhai bansa Israel lagée nyoe, “Bah kheueh bansa Israel nyan jai jih lagée anoe lam laôt, teuma cit bacut nyang teuma seulamat; 28sabab Tuhan sigra geupeu rhot huköman ateueh asoe donya.” 29#Yes. 1:9 Dan Nabi Yesaya geupeugah lom lagée nyoe, “Seukira jih Allah Nyang Mahakuasa hana geutinggai nibak geutanyoe keuturonan, ka pasti tanyoe banmandum ka jeuet lagée Sodom dan Gomora.”
Hubongan umat Allah ngon Haba Gét nyang teuka nibak Allah
30Ngon lagée nyan, keusimpolan na kheueh lagée nyoe: Bansa-bansa laén nyang kon bansa Yahudi hana jiuseuha mangat hubongan jih ngon Allah jeuet keugét lom teuma. Teuma sabab awaknyan jimeuiman, teuma Allah geupeujeuet hubongan awaknyan ngon Gobnyan jeuet keugét lom teuma. 31Teuma, di ureuëng-ureuëng Yahudi sabe jiuseuha jitaát ubak huköm mangat hubongan jih ngon Allah jeuet keugét lom. Teuma awaknyan teutab hana meuhase. 32Pakon awaknyan hana meuhase? Sabab awaknyan nyang jipeubuet nyan rot meuiman ubak Po teu Allah, teuma rot useuha awaknyan keudroe. Teuma awaknyan laju reubah meugantoh bak “Batée meugantoh”. 33#Yes. 28:16 Keuhai batéenyan lam Alkitab na teutuléh lagée nyoe,
“Simah kheueh nyoe: Di Sion ka Lôn keubah saboh batée
nyang teuma jeuet keuakibat ureuëng meugantoh;
na kheueh saboh batée rayeuk nyang jeuet keuakibat ureuëng reubah.
Teuma ureuëng nyang meuiman ubak Gobnyan hana teuma keucewa.”
Currently Selected:
ROMA 9: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
