WAHYU PEU INTAT HABA
PEU INTAT HABA
Wahyu Keu Yahya nyoe teutuléh bak watée ureuëng-ureuëng Kristen jiteugon ngon keunong iénanya sabab awaknyan meuiman ubak Isa Almaseh sibagoe Tuhan. Meukeusut nyang paleng phon nibak nyang tuléh nyoe na kheueh keuteubri harapan meunan cit seumangat ubak ureuëng nyang baca, meunan cit keuteudurong awaknyan mangat teutab jipatéh bak watée keunong iénanya dan keunong teugon nyan.
Asoe kitab nyoe leubeh siteungoh meututoe keuhai rangkaian wahyu dan keumalon nyang teupeugah ngon cara teupeuguna basa lambang nyang hase teupeuphom lé ureuëng-ureuëng Kristen bak jamén nyan, teuma payah that jimuphom lé ureuëng-ureuëng laén. Pokok pikeran nyang teupeugah lam kitab nyoe teu-ulang-ulang lam meubagoe cara meulalu meubagoe-bagoe nyang leumah teukalon. Bah pih na meuteumé jai that meulaén peundapat keuhai tafeuse nyang teupeurinci keuhai asoe kitab nyoe, teuma inti sari pokok pikeran ka jeulaih, na kheueh meulalu Almaseh, Allah akhé jih teuma geupeutaloe banmandum musoh Gobnyan, meunan cit ngon Iblih hase geupeutaloe. Dan watée meunang nyan ka meuteumé, Po teu Allah teuma geubri syeuruga nyang barô dan bumoe nyang barô sibagoe hadiah keu umat Gobnyan nyang seutia.
Asoe jih
Haba phon 1:1-8
Keumalon nyang phon that dan surat-surat keu tujoh jeumaáh 1:9–3:22
Geunulong kitab dan tujoh séegée 4:1–8:1
Tujoh boh beureuguih 8:2–11:19
Naga dan dua boh beulatang 12:1–13:18
Meubagoe rupa keumalon 14:1–15:8
Tujoh boh wadah Allah beungéh 16:1-21
Babel hanco, beulatang taloe, nabi peuleusu dan Iblih 17:1–20:10
Huköman keuneulheueh 20:11-15
Syeuruga barô, bumoe barô Yerusalem barô 21:1–22:5
Peunutôb 22:6-21
Currently Selected:
WAHYU PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.