ZABUR PEU INTAT HABA
PEU INTAT HABA
Zabur na kheueh bagian nibak Alkitab sibagoe kitab meunyanyoe dan kitab doá. Kitab nyoe geukarang lé meubagoe pujangga lam watée nyang treb that-that. Nyanyoe-nyanyoe dan doá-doá nyoe jipeusapat lé ureuëng Israel dan jipeuguna watée awaknyan meuiébadat, dan akhé jih teupeutamong lam Alkitab.
Sanjak-sanjak keuagamaan nyoe meubagoe ragam: na nyanyoe puja ngon pujoe dan nyanyoe keu teuseumah Po teu Allah; na doá teulakée tulông; peulindongan dan keuseulamatan; doá teulakée amphon; lagu syukoe ateueh beureukat Po teu Allah, meulakée mangat musoh teuhuköm. Doá-doá nyoe na nyang sifeuet jih pribadi, na cit nyang sifeuet jih nasional. Na padub-padub boh lamkawan jih teupeugamba peurasaan sidroe-droe ureuëng nyang paleng lhok, seudangkan nyang laén doá keubutuhan dan peurasaan banmandum umat Po teu Allah.
Zabur-zabur geupeuguna lé Isa, jikuteb lé tukang-tukang tuléh Peujanjian Barô, dan ka jeuet keu kitab iébadat nyang paleng jihareuga lé Gereja-gereja Kristen yoh awaikon.
Asoe jih
Ban 150 Zabur teubagie lam limong boh keulompok atawa kitab, atra nyan na kheueh lagée nyoe:
Kitab Phon: Zabur 1–41
Kitab Keu dua: Zabur 42–72
Kitab Keu lhée: Zabur 73–89
Kitab Keu peuet: Zabur 90–106
Kitab Keu limong: Zabur 107–150
Currently Selected:
ZABUR PEU INTAT HABA: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.