ZABUR 81
81
Ca-e watée peurayaan
1Keu teupimpén kor. Meunurot lagu: Gitit. Nibak Asaf.
2Meuca-e kheueh nyanyoe puja ngon pujoe ubak Po teu Allah, teunaga geutanyoe,
meusurak kheueh deungon geumbira keu Allah Nabi Yakub.
3Tapéh kheueh rapa-i, dan peuphon kheueh musik,
peutek kheueh gambĂ´h dan keucapi deungon su meualon-alon.
4 #
Teu. 10:10
Yeub kheueh beureuguih watée uroe raya geutanyoe,
bak watée khanuri buleuen barô dan buleuen peunoh.
5Sabab hai nyang lagéenyan na kheueh saboh lamkawan peuratoran di Israel,
dan saboh nibak meubagoe peurintah Allah Nabi Yakub.
6Gobnyan geupeujeuet saboh peuratoran keu bansa Israel,
bak watée gobnyan geumaju jak lawan bansa Meusé.
UlĂ´n deungon basa nyang hana lĂ´n teupeue,
7“Ulôn ka Lôn beuôt beuban di ateueh ulée gata,
dan LĂ´n peulheuh raga seumeuĂ´n nyang na bak jaroe gata.
8 #
Keu. 17:7; Teu. 20:13 Lam aloh alah gata meulakée,
dan UlĂ´n peuseulamat gata.
Ulôn jaweueb gata nibak geulanteue teumpat Ulôn musöm,
Ulôn ujoe gata nibak mata ié Meriba.
9Deungoe kheueh UlĂ´n peuingat nyoe, hai umat UlĂ´n,
Israel, meunyoe gata tatem deungoe UlĂ´n!
10 #
Keu. 20:2-3; Tel. 5:6-7 Bék na lamkawan gata jimeu ilah ubak ilah nyang laén,
bék kheueh taseumah ubak ilah aséng.
11UlĂ´n kheueh Tuhan Allah gata,
nyang tunton gata peuteubiet lam nanggroe Meusé.
Watée gata deuk Ulôn bri peunajoh.
12Teuma umat UlĂ´n hana jitem deungoe peue nyang UlĂ´n peugah,
Israel hana jitem taát ubak ulôn.
13Sabab nyan Ulôn peubiyeu jihnyan jeuet keu ureuëng kreueh ulée;
bah kheueh awaknyan jiseutĂ´t keuheundak jih keudroe.
14Ah, meunyoe umat UlĂ´n jitem deungoe peue nyang UlĂ´n peugah,
meunyoe awaknyan jitem taát ubak Ulôn,
15teuma UlĂ´n deungon sigra LĂ´n peutaklok musoh awaknyan,
dan UlĂ´n peutaloe banmandum lawan awaknyan.
16Ureuëng nyang banci teuma Lôn peutaklok,
awaknyan teuhuköm keu siumu masa.
17Teuma umat Ulôn kujok peunajoh gandom nyang teupiléh,
dan Ulôn peutroe deungon meulisan rimba.”
Currently Selected:
ZABUR 81: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
