ZABUR 75
75
Allah, hakém nyang paleng manyang
1Keu teupimpén kor. Meunurot lagu: Bék peumuseunah. Makmur Asaf. Lagu.
2Kamoe seumah Droneueh, ya Allah,
kamoe meusyukoe ubak Droeneueh dan kamoe peusampoe karya Droeneueh nyang luwa biasa nyoe.
3Allah geupeugah, “Bak watée nyang ka Ulôn peuteuntée,
Ulôn Lôn meuhakém deungon seuade-ade jih.
4Meunyoe bumoe meuguncang lagée geumpa deungon banmandum peunduduek nyang na di ateueh bumoe nyan
Ulôn kheueh nyang peukong taméh-taméh jih.”
5Keu ureuëng nyang raya haba, Ulôn peugah,
jeuet bék le jipeugah nyang lagée nyan.
6Dan ubak ureuëng jeuhet,
mangat békle meusikeub cungkak.
Bék péh-péh dada peubangga droe
atawa peugah haba deungon sombong nyang hana meuguna.
7Sabab peunghakéman hana teuka di timu atawa barat
meunan cit bukon teuma di utara atawa seulatan.#meunan … seulatan: Keumungkenan that nyan makna jih.
8Teuma Po teu Allah keudroe kheueh nyang jeuet keuhakém,
Gobnyan nyang peumiyueb nyang sidroe dan Gobnyan teuma nyang peumanyang nyang laén.
9Beungéh Tuhan saban lagée piala nibak jaroe gobnyan,
piala nyan meuasoe ié anggô nyang kreueh.
Allah nyang tunggeng asoe jih,
banmandum ureuëng jeuhet nyang na di ateueh bumoe harôh jijieb ié nyan sampoe habéh.
10Teuma ulôn teutab lôn peusampoe Allah Nabi Yakub,
lôn meuca-e lagu puja ngon pujoe keu Gobnyan.
11Gobnyan nyang wiet sampoe patah teunaga ureuëng jeuhet,
di ureuëng nyang jroh meutamah teuga.
Currently Selected:
ZABUR 75: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
