ZABUR 73
73
KITAB NYANG KEU LHÉE:
ZABUR 73–89
Keuadelan Tuhan
1Zabur Asaf.
Keubit gét that Allah keu umat Gobnyan,
bagi ureuëng nyang meu até murni.
2Teuma ulĂ´n ka bimbang,
keupeucayaan lĂ´n rab gadĂ´h meulayang,
3sabab ulôn ceumburu keu ureuëng cungkak,
watée ulôn ngieng untông nyang jroh bak ureuëng jeuhet.
4Sabab awaknyan hana keunong peunyakét nyang meudeurita,
badan awaknyan teuga-teuga.
5Bak awaknyan hana jitanggong rasa susah,
hana teuma keunong malang lagée ureuëng laén.
6Nyang kheueh sabab nyan awaknyan meusikeub sombong,
dan sabe jimeubuet deungon keujam.
7Nibak até awaknyan teupeupeunoh keujeuhetan,#Meunurot padub-padubboh teujeumahan kuno: Nibak … keujeuhetan.
awaknyan gabuek deungon buet-buet nyang jireuncana jeuhet.
8Buet awaknyan jipeuhina gob sira jiupat,
dan deungon sombong jiancam keu ji tindéeh.
9Awaknyan ji-iengkeue sira jiseurapa Allah nyang na didalam syeuruga,
dan jimeusulet keu ureuëng nyang na di ateueh bumoe,
10sampoe le that umat Allah nyang jimeupaleng ubak awaknyan,
dan jipeucaya ubak tutoe haba awaknyan.#sampoe … awaknyan: Keumungkenan that nyan makna jih.
11Jipeugah lé awaknyan, “Allah hana geuteupeue,
Nyang Mahamanyang hana muphom sapeue.”
12Meunan kheueh keuadaan ureuëng jeuhet;
udeb jih teunang, dan hareuta jih meutamah-tamah.
13Sia-sia mantong ulôn jaga até gleh;
hana meuguna ulĂ´n peujiĂ´h ngon desya.
14Sabab siuroe suntok ulôn keunong lé malang;
tieb-tieb beungoh ulĂ´n nyoe keunong seksa.
15Meunyoe ulĂ´n peugah meunan,
ulôn meukhianat bak angkatan aneuëk-aneuëk Droeneueh.
16Teuma watée ulôn useuha mangat hase lôn puphom,
hainyan keubit that payah nibak ulĂ´n.
17Akhé jih ulôn tamong u dalam Baét Allah,
disinan kheueh barô lôn teupeue ngon muphom pakriban susah jih udeb ureuëng-ureuëng jeuhet nyan.
18Droeneueh peuduek awaknyan ateueh rot nyang glue,
dan neupeubiyeu awaknyan reubah binasa.
19Lam sikleb mata awaknyan ka hanco,
lumpah that ázeub keusosahan awaknyan.
20Lagée lumpo nyang gadôh óh beungoh uroe;
bak watée Droeneueh beudôh, ya Tuhan, awaknyan pi gadôh.
21Watée ulôn meurasa tunu
dan até ulôn lagée keunong tôb,
22ulĂ´n bangai dan hana meuphom,
ulôn lagée beulatang dikeue Droeneueh.
23Teuma ulĂ´n teutab rab deungon Droeneueh,
Droeneueh nyang mat jaroe uneuen lĂ´n.
24Neubimbéng ulôn deungon naseuhat,
dan neuteurimong ulôn deungon keuhoreumatan bak laén watée.
25Peue nyang atra ulôn lam syeuruga seulaén Droeneueh?
Seulaén Droeneueh hana nyang ulôn harab di ateueh bumoe nyoe.
26Bahpi jiwa raga lĂ´n meutamah leumoh,
Droeneueh kheueh teunaga ulĂ´n, ya Allah;
Droeneueh kheueh banmandum atra ulĂ´n
keu siumu masa.
27Ureuëng nyang jitinggai Droeneueh jihnyan teuma meupalo,
Droeneueh peubinasa ureuëng nyang hana seutia ubak Droeneueh.
28Teuma nibak ulôn keubit that jroh jeueb-jeueb watée na bak bineh Allah,
Tuhan Allah ulĂ´n peujeuet keu teumpat meulindong lĂ´n,
mangat hase ulĂ´n peusampoe banmandum buet-buet Gobnyan.
Currently Selected:
ZABUR 73: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
