ZABUR 5
5
Doá teulakée meulindong
1Keu teupimpén kor. Deungon alat peumeuén suleng. Zabur Nabi Daud.
2Ya Tuhan, neudeungoe kheueh tutoe haba ulĂ´n,
neupeurati kheueh apoh apah ulĂ´n.
3Neudeungoe kheueh meulakée ulôn dan tulông kheueh ulôn,
ya Raja ulĂ´n dan Allah ulĂ´n.
4Sabab ubak Droeneueh kheueh ulôn meudoá, ya Tuhan,
neudeungoe meulakée ulôn watée beungoh uroe.
Ban beungoh ka ulôn ba peuseumahan ulôn#peuseumahan ulôn atawa: doá ulôn.
dan ulĂ´n preh Tuhan neujaweueb ulĂ´n, ya Tuhan lĂ´n.
5Droeneueh kheueh ya Allah nyang hana galak ubak keujeuhetan;
ureuëng jeuhet hana jeuet jimeurumpok ngon Droeneueh.
6Droeneueh hana galak neungieng ureuëng nyang cungkak,
Droeneueh banci keu ureuëng nyang peubuet jeuhet.
7 Tuhan peuhabéh dumna ureuëng nyang galak jipeugah haba nyang sulet,
ureuëng nyang seumeungeut dan ureuëng nyang buet jih tukang poh maté ureuëng laén Tuhan pandang miyueb.
8Teuma sabab lé gaséh Tuhan nyang rayeuk,
ulôn hase lôn tamong u dalam Baét Droeneueh.
Ulôn sujut u arah Baét Droeneueh nyang suci,
dan ulĂ´n seumah Droeneueh deungon khidmat.
9Ya Tuhan, lumpah that le musoh ulĂ´n!
Neubimbéng kheueh ulôn mangat jeuet lôn peubuet keuheundak Droeneueh,
dan neutunyok kheueh rot Droeneueh nyang harĂ´h ulĂ´n jak.
10 #
Rm. 3:13
Sabab tutoe haba musoh ulĂ´n hana jeuet teupeucaya;
lam até awaknyan ka peunoh deungon reuncana jeuhet.
Tutoe haba awaknyan maméh bantumpo lom lumpah maméh,
teuma lam baten awaknyan ka peunoh deungon nyang brĂ´k.
11Huköm kheueh awaknyan, ya Allah,
bah kheueh awaknyan binasa sabab reuncana droejih keudroe.
Neu use kheueh awaknyan sabab desya jih nyang ka lumpah le,
sabab awaknyan ka jibeurontak ubak Droeneueh.
12Seumoga banmandum ureuëng nyang jimeulindong ubak Droeneueh meugeumbira
dan meusuka ria siumu masa.
Neulindong kheueh ya Tuhan ureuëng-ureuëng nyang jicinta Droeneueh,
mangat awaknyan meusuka cita sabab Droeneueh.
13Sabab Tuhan neubri beureukat keu ureuëng nyang seutia ubak Droeneueh,
Droeneueh neulindong awaknyan deungon gaséh Droeneueh.
Currently Selected:
ZABUR 5: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
