ZABUR 44
44
Doá teulakée meulindong
1Zabur kawöm Korah. Ca-e peulajaran. Keu teupimpén kor.
2Ya Allah, kamoe ka lheueh kamoe deungoe keudroe
kisah nyang geucalitra lé indatu kamoe
keuhai karya nyang hebat nyang Droeneueh peubuet
bak jamén ilée.
3Droeneueh keudroe nyang use bansa-bansa
mangat jeuet umat Droeneueh tinggai teutab di nanggroe awaknyan.
Bansa-bansa nyang laén Droeneueh peuceulaka,
teuma umat Droeneueh neupeubiyeu meukeumang meu aneuëk cucoe.
4Tanoh nyan kon jireubot lé awaknyan deungon peudeueng;
dan bukon deungon teunaga jih keudroe awaknyan meunang,
teuma deungon kuasa dan cahya teuka Droeneueh,
sabab Droeneueh neugaséh keu umat Droeneueh.
5Droeneueh kheueh Raja ulĂ´n dan Allah lĂ´n,
nyang bri meunang keu umat Droeneueh.
6Deungon kuasa Droeneueh kamoe peutaloe bubena musoh kamoe,
dan kamoe peutaklok ureuëng-ureuëng nyang jiseurang kamoe.
7Sabab ulĂ´n hana ulĂ´n peuguna aneuk panah lĂ´n,
meunan cit ngon peudeueng hana hase jipeuseulamat ulĂ´n.
8Teuma Droeneueh kheueh nyang ka peuseulamat kamoe nibak mandum musoh kamoe,
dan neupeutaloe mandum ureuëng nyang jibanci kamoe.
9Teuma kamoe sabe kamoe peumeugah Droeneueh,
dan hana putĂ´h-putĂ´h kamoe meusyuko ubak Droeneueh.
10Teuma jinoenyoe Droeneueh ka neutinggai kamoe
dan neupeubiyeu kamoe jipeutaloe.
Droeneueh hanale neumaju lam baresan kamoe.
11Neupeubiyeu kamoe meunan mantong kamoe peuplueng droe nibak musoh kamoe,
dan awaknyan ban galak droe habéh jireupah hareuta kamoe.
12Neupeubiyeu kamoe jisie lagée jisie kaméng,
dan neupeu crebre kamoe lamkawan bansa-bansa.
13Neupeubloe umat Droeneueh deungon yuem nyang hana hareuga,
dan hana meuteumé laba bahpi sikada.
14Neupeujeuet kamoe barang hinaan lé ureuëng lingka
kamoe jipeukém jipeuayang sira jihina.
15Neupeujeuet kamoe barang jipansi lé bansa-bansa;
sira jiasek ulée awaknyan jihina kamoe.
16Siuroe seupĂ´t ulĂ´n jirapa,
lôn tanggong malée dan peuteubai muka,
17sabab lĂ´n deungon jiejek sira jihina
nibak babah musoh nyang jitroh dam.
18Banmandum nyan ka jipeurhot u ateueh kamoe
bahpi kamoe hana meutuwoe ubak Droeneueh
atawa kamoe khianat janji kamoe deungon Droeneueh.
19Até kamoe hana kamoe iengkeue ubak Droeneueh;
dan peurintah Droeneueh hana teuma kamoe peujayéh.
20Teuma trok até Droeneueh neutinggai kamoe didalam seupôt;
kamoe hana meudaya lamkawan beulatang juah.
21Meunyoe seukirajih kamoe hanale kamoe seumah Po teu Allah,
teuma kamoe meudoá ubak ilah nyang laén,
22nyang kamoe peubuet nyan pasti geuteupeue lé Po teu Allah,
sabab Gobnyan geuteupeue banmandum rahsia até kamoe.
23 #
Rm. 8:36
Deumi Droeneueh kamoe hana putôh-putôh teuancam lé mawöt,
dan jipeusaneut kamoe lagée bubiri nyang teusie.
24Beudôh kheueh, ya Tuhan! Pakon Droeneueh neuteungéut?
Beudôh kheueh! Bék neutulak kamoe lagéenyoe siumu masa.
25Pakon Droeneueh neumusöm,
dan neutuwoe ubak seungsara dan keusosahan kamoe?
26Kamoe reubah hanco meukeupeng di ateueh tanoh,
teuéh teunyue di dalam abée sabab kamoe taloe.
27BeudĂ´h kheueh dan neuteuka kheueh neutulĂ´ng kamoe,
peuseulamat kheueh kamoe sabab gaséh Droeneueh.
Currently Selected:
ZABUR 44: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
