ZABUR 40
40
Doá syuko dan doá meulakée
1Keu teupimpén kor. Zabur Nabi Daud.
Doá syuko
2Deungon saba ulĂ´n preh-preh Tuhan tulĂ´ng;
laju Gobnyan geupakoe ulôn dan geudeungoe peue nyang ulôn lakée.
3Gobnyan geutarek ulĂ´n nibak uruek nyang paleng meubahya,
dan nibak luhĂ´b paya.
Gobnyan geukeubah ulôn di ateueh bukét batée,
deungon nyan langkah ulĂ´n mantab.
4Gobnyan geupeuruno ulĂ´n meuca-e ngon lagu barĂ´,
lagu seumujoe keu Allah geutanyoe.
Jai that ureuëng nyang ngieng Gobnyan dan laju jiteuka teumakot,
dan laju jipeucaya ubak Tuhan.
5Mubahgia kheueh ureuëng nyang peucaya ubak Tuhan,
nyang hana jiseutĂ´t jiseumah dewa-dewa,
atawa jilakée tulông ubak ureuëng nyang sombong.
6 Tuhan, padubna le cebtaan Droeneueh keu kamoe,
ya Tuhan Allah ulĂ´n, Droeneueh hana sa ngon peue mantong teupeu sa!
Jai lumpah na reuncana Droeneueh nyang keubit takjob keu kamoe,
hana mungken teucalitra banmandum nyan.
7 #
Ibr. 10:5-7
Peuseumahan dan keureubeuen nyang teuhidang hana Droeneueh galak,
meunan cit keureubeuen nyang teutot dan keureubeuen peusampôh desya nyan pih hana Droeneueh tunggée.
Teuma Droeneueh ka neubri keu ulĂ´n geulinyueng
nyang hase ulĂ´n deungoe su Droeneueh.
8Laju ulôn peugah, “Nyoe kheueh ulôn,
didalam kitab meugulong na teutuléh keu ulôn:
9UlĂ´n harok ulĂ´n peubuet keuheundak Droeneueh, ya Allah,
huköm Droeneueh ulôn keubah didalam até.”
10Lam rapat dipat mantong na meugumpĂ´i umat Droeneueh ulĂ´n peugah haba geumbira
bahwa Droeneueh ka neupeuseulamat kamoe.
Deungon hana lĂ´n piĂ´h-piĂ´h hainyan ulĂ´n peusampoe,
Droeneueh neuteupeue banmandum nyan, ya Tuhan.
11Haba keuhai seulamat nyan hana ulôn keubah lam até,
nyang neutulĂ´ng dan keuseutiaan Droeneueh sabe ulĂ´n peugah.
Didalam kawan umat Droeneueh nyang meusapat hana ulĂ´n iemdroe,
teuma ulôn peusampoe geunaséh dan keuseutiaan Droeneueh.
12 Tuhan, bék kheueh neupiôh neugaséh keu ulôn;
neulindong kheueh ulôn sabe deungon gaséh dan seutia Droeneueh.
Doá meulakée
(Zab. 70:1-5)
13Ulôn jikeupong lé malapeutaka nyang le,
jeumeulah jih hana Ă©k teuitong.
Ulôn jitiyeub lé desya-desya lôn
sampoe ulĂ´n hana hase lĂ´n keumalon.
Jeumeulah jih leubeh le nibak ôk nyang na di ateueh ulée lôn,
sabab nyan ulĂ´n jeuet keu putĂ´h asa.
14Ya Tuhan, neupeuseulamat kheueh ulĂ´n,
beubagaih kheueh ya Tuhan, neujak tulĂ´ng ulĂ´n!
15Bah kheueh ureuëng nyang keuneuk peumaté ulôn
teupeu taloe dan jiplueng lagée ureuëng bingong.
Bah kheueh ureuëng nyang jisurak keuhai ulôn nyang malang
teupoh lom sampoe jisurot dan teuhina.
16Bah kheueh ureuëng nyang peukém ulôn
teukeujot dan malée.
17Seumoga banmandum ureuëng nyang jiseumah Droeneueh
meusukacita dan meugeumbira,
dan banmandum yang jicinta ubak seulamat nyang teuka nibak Droeneueh
hana piôh jipeugah, “Keubit agong that kheueh Tuhan!”
18UlĂ´n nyoe gasien dan leumoh,
teuma Tuhan geupeurati ulĂ´n.
Droeneueh kheueh nyang tulĂ´ng dan peuseulamat ulĂ´n,
bék meulet, ya Tuhan lôn!
Currently Selected:
ZABUR 40: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
