ZABUR 38
38
Doá óh watée susah
1Zabur Nabi Daud watée geupeuseumah keureubeuen peuingat.
2 Tuhan, bék kheueh neuhuköm ulôn watée Droeneueh beungéh,
dan bék neuseksa ulôn watée Droeneueh mureuka.
3Aneuk panah Droeneueh nyang neu timbak ateueh ulĂ´n sampoe beusot dan luka tuboh lĂ´n,
dan jaroe Droeneueh keubit that brat meuteugon bak tuboh ulĂ´n.
4Ulôn sakét brat sabab Droeneueh beungéh;
hana nyang seuhat nibak tuboh lĂ´n sabab desya lĂ´n.
5Ulôn ngob lam ié raya keusalahan lôn,
beuban desya lĂ´n lumpah that geuhon meuginton u ateueh ulĂ´n.
6Luka meucabok nyang na nibak ulôn ka meunanoh dan meubée khéub,
sabab ulĂ´n ka lĂ´n peubuet nyang bangai.
7UlĂ´n meuteukui dan meubungkok,
sipanyang uroe ulĂ´n ruman lĂ´n krot dan seudeh.
8Deumam ngon seu-uem lagée apui keunong bak tuboh lôn,
hana nyang seuhat nibak tuboh lĂ´n.
9Ulôn ka reumok hanco meukeupeng dan teunaga lôn pi habéh,
ulôn apoh apah sabab até lôn gundah.
10 Tuhan, Droeneueh neuteupeue peue mantong nyang ulôn meuhéut,
apoh apah ulôn hana nyang teusöm nibak Droeneueh.
11Jantong lôn yo meugám-gám, teunaga lôn gadôh,
dan mata ulĂ´n ka jeuet keu rabon.
12Kawöm dan rakan ulôn jiwéeh sabab peunyakét nyang na nibak ulôn,
meunan cit kawöm keurabat ulôn jipeujiôh lôn.
13Ureuëng nyang keuneuk poh maté lôn ka jijak teun taron;
dan nyang keuneuk peuceulaka lĂ´n laju jiancam keuneuk poh ulĂ´n.
14Teuma ulôn lagée ureuëng tulo nyang hana teudeungoe sapeue,
dan lagée ureuëng kalu nyang hana hase peugah haba.
15Keubit, ulôn saban that lagée ureuëng nyang hana hase teudeungoe sapeue,
dan lé sababnyan hana ulôn bantah sapeue.
16Teuma ulĂ´n meuharab ubak Droeneueh, ya Tuhan,
dan Droeneueh, Tuhan Allah lĂ´n, neujaweueb ulĂ´n.
17Bék neupeubiyeu musoh ulôn galak jingieng ulôn nyang susah lagée nyoe bagoe,
dan bék neupeubiyeu awaknyan rayeuk haba meunyoe ulôn ka guyah.
18UlĂ´n rab reubah,
hana piôh ulôn sakét sabe.
19UlĂ´n meungaku mandum desya lĂ´n;
até ulôn gundah watée lôn pike keusalah lôn.
20Ureuëng-ureuëng nyang jimeumusoh ngon ulôn ramé dan teuga-teuga,
awaknyan jibanci that ubak cara udeb lĂ´n.
21Ureuëng nyang jibalah buet nyang jroh deungon nyang jeuhet jimeumusoh ngon lôn
sabab ulĂ´n lĂ´n peubuet nyang jroh.
22Ya Tuhan, bék neutinggai ulôn,
bék neujiôh nibak ulôn, ya Allah lôn.
23Neuteuka kheueh bubagaih neutulĂ´ng ulĂ´n,
ya Tuhan nyang peuseulamat ulĂ´n.
Currently Selected:
ZABUR 38: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
