ZABUR 29
29
Su Tuhan lam angén badée
1 #
Zab. 96:7-9
Zabur Nabi Daud.
Pujoe kheueh Tuhan, hai makhluk-makhluk syeuruga,
pujoe kheueh keuagongan dan kuasa Gobnyan.
2Pujoe kheueh nan Tuhan nyang mulia
neuseumah kheueh Gobnyan deungon teungui peukayan iébadat.#deungon teungui peukayan iébadat, atawa: meunyoe Gobnyan geupeuleumah droe.
3Allah nyang agong meusu lagée geulanteue di ateueh laôt,
su Gobnyan meugeunta di ateueh laĂ´t raya.
4Su Tuhan teudeungoe,
peunoh kuasa dan keumeugahan.
5Su Tuhan sampoe reubah bubena bak kayée,
dan patah bak kayée ceumara Libanon.
6Gunong Libanon geupeujeuet sampoe meulumpat lagée aneuëk leumô,
dan Gunong Siryon jimeugluéng lagée aneuëk banteng.
7Su Tuhan
sampoe jiteubiet kilat muble ji seumama.
8Su Tuhan sampoe meuhayak padang pasie,
dan Tuhan geuguncang padang pasie Kades.
9Su Tuhan sampoe meuyok-yok bak-bak kayée beurangan,#meuyok-yok bak-bak kayée beurangan: keumungkenan that nyan makna jih. Meunurot naseukah Ibrani: teupeujeuet rusa meu aneuëk.
dan luröh bubena ôn-ôn kayée di gle;
dan di Baét Tuhan umat Gobnyan jimeuhôi,
“Pujoe kheueh Tuhan!”
10 Tuhan meukuasa ateueh ié raya,
Gobnyan meukuasa sibagoe Raja keu siumu masa.
11Seumoga Tuhan geubri teunaga keu umat Gobnyan,
dan geupeujeuet awaknyan seujahteura.
Currently Selected:
ZABUR 29: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
