ZABUR 2
2
Raja nyang geupiléh lé Po teu Allah
1 #
Kis. 4:25-26
Pakon bansa-bansa didonya nyoe jipeubuet huru-hara
dan sukée-sukée bansa jireuncana nyang hana meuguna?
2Raja-raja donya beudôh sireuntak
dan dumna ureuëng mat kuasa jimufakat
jilawan Tuhan dan raja piléhan Gobnyan.
3Peunguasa-peunguasa nyan jipeugah,
“Jak tajak peupatah keukuasaan awaknyan
dan ta reubot keumeurdehkaan geutanyoe!”
4Nibak takhta Tuhan di syeuruga Tuhan geukém
dan geu hina reuncana awaknyan.
5Laju awaknyan geudhot deungon that beungéh,
dan geupeukeujot teuma deungon meureuka Gobnyan.
6Kheun Gobnyan, “Di Sion#Sion: Deungon haba “Sion” phon-phon that teumeukeusut deungon “Banda Nabi Daud”, kuta ureuëng Yebus nyang jireubot lé tantra Nabi Daud. Óh lheuehnyan makna jih teupeuluwah jeuet keu “Baét Allah”. bukét Ulôn nyang suci
ka Ulôn lantek raja nyang Ulôn piléh.”
7 #
Kis. 13:33; Ibr. 1:5, 5:5 Kheun raja, “Ulôn keuneuk peumaklum
peue nyang ka geupeuteutab lé Tuhan.
Geupeugah lé Gobnyan ubak ulôn, ‘Gata aneuëk agam Lôn,
nibak uroenyoe Ulôn jeuet keu Bapak gata.
8Lakée kheueh, teuma banmandum bansa Ulôn bri keu gata,
dan bansaboh bumoe Ulôn peujeuet milék gata.
9 #
Why. 2:26-27, 12:5, 19:15 Awaknyan teuma gata wiet deungon tungkat beuso
dan gata peubeukah lagée beulangong tanoh.’ ”
10Lé sababnyan gata ngieng kheueh hai raja-raja,
tapike kheueh nyan, hai peunguasa-peunguasa donya!
11Meubakti kheueh ubak Tuhan deungon takeuwa,
12sujut kheueh dikeue Gobnyan deungon yo#Sujut kheueh … yo: Mungken that nyan kheueh makna jih. nyang hana teukira,
bék sampoe Tuhan jeuet keu beungéh
dan gata geupeubinasa lam sikreb mata,
sabab beungéh Gobnyan hu lagée apui deungon hana teusangka-sangka.
Mubahgia kheueh ureuëng
nyang jimeulindong ubak Tuhan!
Currently Selected:
ZABUR 2: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
