ZABUR 146
146
Pujoe keu Allah nyang ba seulamat
1Pujoe kheueh Tuhan!
Hai jiwa ulôn, pujoe kheueh Tuhan!
2Ulôn keuneuk pujoe Tuhan simantong ulôn udeb
dan meuca-e keu Po teu Allah simantong ulôn na.
3Bék kheueh meuharab ubak peunguasa,
ubak ureuëng nyang hana hase jipeuseulamat manusia.
4Meunyoe awaknyan maté, awaknyan jigisa jeuet keutanoh;
bak uroenyan cit teuma peue mantong reuncana awaknyan habéh teusampôh sapan sapa.
5Mubahgia kheueh ureuëng nyang jipeubangga Tuhan Allah jih mantong,
dan na Tuhan Nabi Yakub nibak droe jih sibagoe peunulông jihnyan.
6 #
Kis. 4:24, 14:15 Gobnyan nyang peujeuet langét dan bumoe,
laôt dan banmandum asoe jih;
Gobnyan teutab seutia siumu masa.
7Gobnyan geubila hak ureuëng nyang keunong teugon,
dan geubri makheun keu ureuëng deuk.
Tuhan geupeulheueh bubena ureuëng lam rumoh glab,
8dan geupeu jeuet ureuëng buta hase jikeumalon.
Gobnyan geupeudong ureuëng nyang reubah,
dan geugaséh keu ureuëng nyang jujoe.
9Gobnyan geulindong ureuëng-ureuëng aséng;
Gobnyan geutulông inong balée dan aneuëk yatem ngon muntui,
teuma reuncana ureuëng jeuhet teutab geupeugagal.
10 Tuhan nyan na kheueh Raja keu siumu masa.
Hai Sion, Po teu Allah gata meukuasa siumu masa dan sigala abad.
Pujoe kheueh Tuhan!
Currently Selected:
ZABUR 146: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
