ZABUR 14
14
Keujeuhetan manusia
(Zabur 53)
1 #
Rm. 3:10-12
Keu teupimpén kor. Zabur Nabi Daud.
Ureuëng bangai jipeugah lam até,
“Allah nyan hana.”
Buet awaknyan jeuhet dan keuji
hana buet jih nyang gét.
2Lam syeuruga Tuhan geupandang umat manusia
keu geumita ureuëng malém nyang seumah Gobnyan.
3Teuma banmandum ureuëng ka meunyeuleweng dan beujat,
hana meusidroe pih nyang jipeubuet nyang gét.
4Feureuman Tuhan, “Peu kheueh hana sada di ureuëng-ureuëng jeuhet nyan?
Awaknyan udeb ngon cara jireubot umat UlĂ´n
dan hántom na jimeudoá keu Ulôn.”
5Ureuëng jeuhet teuma jiteuka yo ngon teumakot lagée that,
sabab Allah geulindong ureuëng nyang taát ubak Gobnyan.
6Ureuëng jeuhet jikeuneuk tam keu ureuëng gasien,
teuma Tuhan jeuet keu peulindong awaknyan.
7Seumoga di Sion
teuka keuseulamatan keu Israel!
Dan keuturonan Nabi Yakub meusuka cita
meunyoe Tuhan ka geupeupuléh keuadaan umat Gobnyan.
Currently Selected:
ZABUR 14: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
