ZABUR 124
124
Allah nyang lindong umat Gobnyan
1Lagu ziarah Nabi Daud.
Pakriban kheueh jeuet jih meunyoe Tuhan hana geudong blaih geutanyoe?
Hai Israel, neujaweueb kheueh lagée nyoe:
2“Meunyoe Tuhan hana geudong blaih geutanyoe
bak watée geutanyoe jiprang lé lawan,
3dan geutanyoe ka jiuét udeb-udeb,
lé beungéh awaknyan nyang hana teukira.
4Dan geutanyoe ka jipeuhanyöt lé ié raya,
dan teugeunang didalam ié;
5dan geutanyoe ka habéh maté sabab ngob
dalam geulumbang ié nyang raya meuputa-puta.”
6Jak geutanyoe ta peugah syukoe ubak Tuhan,
sabab Gobnyan hana geupeubiyeu geutanyoe jipeuhabéh lé lawan.
7Geutanyoe lagée cicém nyang lheueh lam taron peumburu,
tarön nyan ka putôh, dan geutanyoe pi lheueh!
8Nyang tulông geutanyoe teuka jih nibak Tuhan
nyang cebta langét ngon bumoe.
Currently Selected:
ZABUR 124: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
