ZABUR 111
111
Pujoe keu Tuhan
1Pujoe kheueh Tuhan!
Deungon sipeunoh até ulôn meusyukoe ubak Tuhan
lamkawan umat Gobnyan nyang meuhimpon.
2Keubit that ajaéb nubuatan-nubuatan Tuhan,
patot jiseulidek lé ureuëng-ureuëng nyang galak ubak hainyan.
3Buet Tuhan agong dan teupujoe,
dan keuadelan Gobnyan keukai dan abadi.
4 Tuhan nyan peungaséh dan peunyayang,
Gobnyan geupeubuet buet-buet nyang takjob dan kagom luwa biasa,
mangat geutanyoe teutab ta ingat ubak peue nyang ka geupeubuet nyan.
5Gobnyan geubri rezeki keu ureuëng nyang taqwa,
dan sabe ji ingat ubak peujanjian Gobnyan.
6Gobnyan ka geutunyok kuasa Geuh ubak umat Gobnyan,
deungon geubri keu awaknyan tanoh pusaka bansa-bansa.
7 Tuhan ade dan seutia lam banmandum tindakan Gobnyan,
peue mantong peurintah Gobnyan jeuet teupeucaya.
8Huköm Gobnyan meuteun siumu masa,
geubri lam keubeunaran dan keuadelan.
9Gobnyan geupeubeubaih umat droe Geuh,
dan geupeuna peujanjian keukai deungon awaknyan.
Gobnyan kheueh Tuhan nyang suci dan peukasa!
10 #
Ayb. 28:28; Ams. 1:7, 9:10 Soe mantong nyang keuneuk jeuet keu ureuëng bijaksana ureuëng nyan harôh jihoreumat Tuhan,#Soe mantong … Tuhan atawa: nyang paleng peunteng lam keubijaksanaan na kheueh teuhoreumat Tuhan.
Gobnyan geubri peungeurtian keu banmandum ureuëng nyang taát.
Teupujoe kheueh Tuhan siumu masa!
Currently Selected:
ZABUR 111: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
