ZABUR 109
109
Doá dalam keusosahan
1Keu teupimpén kor. Zabur Nabi Daud.
Ya Allah nyang ulĂ´n pujoe sabe,
bék kheueh neuiem droe.
2Sabab ulôn jiseurang lé ureuëng jeuhet dan tukang teumipée
nyang jitabu haba-haba nyang hana beuna keuhai ulĂ´n.
3Awaknyan jiseurang ulĂ´n deungon tutoe haba nyang peunoh deungon banci,
dan jiseurang ulĂ´n deungon hana alasan.
4Awaknyan jitudoh ulôn, bahpi di ulôn lôn gaséh keu awaknyan,
dan ka lheueh ulôn meudoá keu awaknyan.
5Awaknyan jibalaih keubaiékan ulôn deungon buet nyang jeuhet,
dan geunaséh ulôn deungon banci.
6Baiát kheueh sidroe ureuëng jeuhet mangat jisidang jihnyan,
bah kheueh jihnyan jipeudakwa lé lawan-lawan jih.
7Bah kheueh jihnyan ji adili dan jipeugah meusalah,
dan bah kheueh doá jihnyan jianggab desya.
8 #
Kis. 1:20
Bah kheueh udeb jih bagaih akhé,
dan jabatan jihnyan jicok lé ureuëng laén.
9Bah kheueh aneuëk-aneuëk jihnyan jeuet keu aneuëk yatem,
dan perumoh jihnyan jeuet keu inong balée.
10Bah kheueh aneuëk-aneuëk jihnyan jeuet keu aneuëk jak geumadée keudeh keunoe,
dan jiuse#Meunurot saboh teujeumahan kuno jiuse; meunurot naseukah Ibrani “meulakée-lakée”. nibak inciek-inciek rumoh jih nyang reuloh.
11Bah kheueh banmandum atra jih jisita lé ureuëng jak tunggée utang,
dan hase jeureh payah jihnyan jireupah lé ureuëng laén.
12Bék na ureuëng nyang get até deungon jihnyan,
atawa jiweueh keu aneuëk-aneuëk nyang na jitinggai.
13Bah kheueh banmandum keuturonan jihnyan habéh jipeubinasa,
dan nan jih jipeutuwoe lé ureuëng teuka dudoe teuma.
14Bah kheueh buet nyang jeuhet nyang ka jipeuget lé indatu jihnyan teutab geuingat lé Tuhan,
dan desya ma jihnyan hana geutem sampĂ´h.
15Bah kheueh desya jihnyan teutab geuingat lé Tuhan,
dan hana ureuëng nyang na ingat keu jihnyan ateueh bumoe nyoe.
16Sabab ureuëng nyan hántom na ji ingat
keu jitunyok gaséh sayang.
Jihnyan ji iénanya ureuëng gasien dan seungsara,
dan jipoh ureuëng yang hana meudaya.
17Geuhnyan galak that jikutok;
bah kheueh jihnyan keudroe nyang keunong kutok!
Jihnyan hana galak teubri beureukat,
bah kheueh hana beureukat keu jih nyan!
18Nibak jih meunyoe kutok nyan na kheueh buet nyang ka lazem,
saban lagée ureuëng ngui peukayan.
Bah kheueh kutok nyan meuliléh lagée ié nyang rô nibak badan jih,
dan lagée minyéuk u dalam tuleueng-tuleueng jihnyan.
19Bah kheueh deungon kutok nyan teupeukeulubong jihnyan lagée peukayan,
dan sabe na meulilet bak gobnyan lagée talo keuieng.
20 Tuhan, neupeurhot kheueh huköm nyan ateueh ureuëng nyang tudoh ulôn,
dan ateueh ureuëng nyang jimariet jeuhet keuhai ulôn.
21Teuma neutulĂ´ng kheueh ulĂ´n nyang sisuai deungon janji Droeneueh,
ya Tuhan Allah ulĂ´n,
peuseulamat kheueh ulôn sabab keubaiékan dan geunaséh Droeneueh.
22Sabab ulĂ´n gasien lom seungsara,
dan até ulôn luka nyang cukob lhok.
23Ulôn rab gadôh lagée bubayang óh watée seupôt,
dan ulôn jipôt lagée jipeucrok daruet dalam blang raya.
24TeuĂ´t ulĂ´n yo meugok-gok sabab puasa,
dan badan ulôn pijuet ngon tho nyang na tinggai tuleueng ngon kulét.
25 #
Mat. 27:39; Mrk. 15:29 Ureuëng nyang kalon jihina lôn
sira ji asek-asek ulée.
26TulĂ´ng kheueh ulĂ´n, ya Tuhan Allah lĂ´n,
peuseulamat kheueh ulôn, nyang sisuai deungon geunaséh Droeneueh.
27Teuma musoh lĂ´n jiteupeue bahwa nyan na kheueh buet Droeneueh,
bahwa Droeneueh kheueh, Tuhan nyang peubuet nyan.
28Bahpi awaknyan jikutok ulĂ´n,
seumoga Droeneueh neubri beureukat keu ulĂ´n.
Bahpi awaknyan jibeudôh, teuma awaknyan teutab meuteumé malée;
teuma seumoga ulĂ´n, hamba Droeneueh, Droeneueh jok keugeumbiraan.
29Bah kheueh ureuëng-ureuëng nyang tudoh ulôn peunoh ngon seulimbot keuhinaan,
dan rasa malée teutôb awaknyan lagée teutôb ngon bajée jubah.
30UlĂ´n keuneuk pujoe Tuhan deungon su nyang nyareng,
ulĂ´n peumeusyeuhu Gobnyan lamkawan umat manusia.
31Sabab Gobnyan geubila dan geupeuseulamat ureuëng gasien
nibak awaknyan nyang peurhot huköman maté u ateueh jihnyan.
Currently Selected:
ZABUR 109: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
