ZABUR 106
106
Keubaiékan Tuhan keu umat Gobnyan
1 #
1Taw. 16:34; 2Taw. 5:13, 7:3; Ezr. 3:11; Zab. 100:5, 107:1, 118:1, 136:1; Yer. 33:11 Pujoe kheueh Tuhan!
Meusyuko kheueh ubak Tuhan, sabab Gobnyan jroh;
geunaséh Gobnyan keukai dan abadi.
2Soe nyang hase jipeugah keuhai keuhebatan Tuhan,
dan jipujoe nyang layak patot keu Gobnyan?
3Mubahgia kheueh ureuëng nyang taát ubak peurintah-peurintah Gobnyan,
dan hántom na salah lam tindakan Geuhnyan.
4Ingat kheueh keu ulĂ´n, ya Tuhan, deumi keujroh Droeneueh nibak umat Droeneueh keudroe,
dan neutulĂ´ng kheueh ulĂ´n meunyoe Droeneueh neupeuseulamat awaknyan.
5Seumoga deuh ulôn ngieng keumakmuran ureuëng-ureuëng nyang neupiléh
dan meusuka cita meusajan umat Droeneueh.
Seumoga ulĂ´n meubangga dan meugeumbira
meusajan ureuëng nyang ka jeuet keuhak milék Droeneueh.
6Kamoe ka meudesya lagée indatu kamoe;
kamoe ka kamoe peubuet jeuhet dan doraka ubak Droeneueh.
7 #
Keu. 14:10-12
Watée mantong di nanggroe Meusé indatu kamoe hana geumuphom;
karya Droeneueh nyang lumpah hebat nyan hana geumeuphom.
Awaknyan ka tuwoe ubak geunaséh Droeneueh nyang meulimpah ruwah,
dan bak binéh Laôt Geulagah awaknyan geumeubeurontak ubak Nyang Mahamanyang.#Mahamanyang: Keumungkenan that nyan makna jih. Meunurot naseukah Ibrani: di Laôt.
8Teuma Tuhan teutab geupeuseulamat awaknyan
deumi keu droe Geuh keudroe,
mangat keupeukasaan Gobnyan jeuet keunyata.
9 #
Keu. 14:21-31
Ateueh peurintah Gobnyan LaĂ´t Geulagah tho kreng,
laju Gobnyan geuba umat Geuh jijak rot laôt nyang ka tho hana le meu ié, lagée geujak didalam padang pasi.
10Deungon na lagée nyan awaknyan ka geupeuseulamat nibak musoh dan lawan,
dan geupeubeubaih awaknyan nibak kuasa musoh.
11Teuma ié laôt nyang raya nyan laju meukab lom teuma, bubena lawan-lawan awaknyan ka habéh ngob lam laôt nyan;
hana meusidroe pih nibak lawan-lawan awaknyan nyang na tinggai.
12 #
Keu. 15:1-21
Ă“h lheuehnyan barĂ´ kheueh umat Gobnyan jipeucaya ubak janji nyang ka geupeugah
laju jimeu zike sira meuca-e lagu pujoe keu Tuhan.
13Teuma Ăłh lheuehnyan awaknyan laju tuwoe ubak buet Tuhan,
jimeubuet lom ban galak droe deungon hana jilakée naseuhat ubak Gobnyan.
14 #
Teu. 11:4-34
Di teungoh padang pasi awaknyan jiteuka nafeusu,
laju jiujoe Po teu Allah.
15Gobnyan laju geubri peue nyang jilakée lé awaknyan,
teuma meunan cit geupeutron bala peunyakét nyang jiseurang awaknyan.
16 #
Teu. 16:1-35
Di padang pasi nyan awaknyan laju teuka iri até ubak Nabi Musa
meunan cit ubak Nabi Harun hamba Gobnyan nyang suci.
17Óh lheueh nyan bumoe pih laju beukah dan laju teu uét Datan,
laju teutôb Abiram meusajan ngon keuluwarga gobnyan habéh mandum.
18Ă“h lheuehnyan apui nyang raya laju jitron jijak sama keulompok awaknyan,
habéh tutông hangöh banmandum nyang doraka ubak Gobnyan.
19 #
Keu. 32:1-14
Di ateueh Gunong Sinai awaknyan laju jipeugôt aneuëk bubiri nibak méuh,
dan laju jiseumah patong tuangan nyang jipeuget keudroe.
20Awaknyan laju jituka Allah nyang agong
deungon patong leumĂ´ nyang jirot naleueng.
21Awaknyan ka tuwoe ubak Allah nyang ka peuseulamat droe jih
Allah nyang ka geupeubuet hai-hai nyang raya di nanggroe Meusé.
22Keubit lumpah that dahsyat buet-buet nyang ka geupeubuet di nanggroe nyan,
dan luwa biasa tindakan Gobnyan di LaĂ´t Geulagah.
23Dan Allah jiteuka niet keuneuk geupeubinasa awaknyan,
teuma bagaih-bagaih geutam lé Nabi Musa, ureuëng nyang ka geupiléh lé Gobnyan.
Nabi Musa jeuet keu ureuëng nyang dong teungoh keu awaknyan,
sampoe Allah nyang ka that beungéh nyan hase reuda.
24 #
Teu. 14:1-35
Ă“h lheuehnyan awaknyan laju jitulak nanggroe nyang ceudah nyan,
sabab hana jipatéh ubak janji Po teu Allah.
25Awaknyan jimeudaleh dalam khimah droe jih
dan hana jitem deungoe le su Tuhan.
26Teuma deungon geumeusumpah Gobnyan geumeujanji
geupeu habéh awaknyan di padang pasi nyang raya.
27 #
Im. 26:33
Keuturonan awaknyan geuböih lamkawan bansa-bansa
dan geupeu crebre di nanggroe-nanggroe aséng.
28 #
Teu. 25:1-13
Ă“h lheuehnyan di Peor awaknyan jiseumah teuma Baal,
dan jipajoh keureubeuen nyang jipeuseumah keu dewa-dewa.
29Buet nyang lagée nyan sampoe jiteuka beungéh Tuhan nyang luwa biasa,
sampoe awaknyan habéh jiseurang lé bala peunyakét nyang hana teukira.
30Teuma Pinehas laju geubeudôh geujak huköm bubena nyang meusalah,
deungon na nyang lagée nyan jipiôh kheueh peunyakét nyang lumpah meupalo nyan.
31Buet jih nyang lagée nyan geuanggab sibagoe jasa nyang raya keu gobnyan,
dan ji ingat siumu masa.
32 #
Teu. 20:2-13
Meunan cit nibak mon-mon Meriba Tuhan geubeungéh keu awaknyan,
dan Nabi Musa keudroe lumpah sosah sabab ulah buet awaknyan.
33Sabab buet awaknyan até gobnyan meutamah tunu,
sampoe gobnyan geumeututoe deungon hana seumike.
34 #
Hak. 2:1-3, 3:5-6 Bansa-bansa nyang laén hana geupeuhanco,
lagée nyang geupeurintah lé Tuhan.
35Awaknyan meujampu deungon bansa-bansa nyan,
dan jiseutôt peue nyang jipeubuet lé ureuëng nyang hana jituri Allah.
36Dan awaknyan laju jiseumah beurala-beurala,
dan nyan kheueh jeuet keusabab keuhancoran awaknyan.
37 #
2Raj. 17:17
Awaknyan jikeureubeuen aneuëk-aneuëk droe jih
keu beurala-beurala Kanaan.
38 #
Teu. 35:33
Meunan cit awaknyan jipeurô darah ureuëng-ureuëng nyang meusalah,
darah aneuëk-aneuëk gobnyan keudroe,
keu jikeureubeuen ubak beurala;
sampoe nanggroenyan ka jipeurusak.
39Sabab buet-buet awaknyan nyang lagéenyan awaknyan ka jeuet keu kuto,
dan hana seutia ubak Po teu Allah.
40 #
Hak. 2:14-18
Dan beungéh Tuhan pi laju hu lagée apui keu awaknyan,
Gobnyan ka glak deungon atra Geuh keudroe.
41Dan geujok kheueh awaknyan keu bansa-bansa,
geupeubiyeu mantong awaknyan jikuasa lé musoh.
42Laju awaknyan jitindéeh lé musoh-musoh jih keudroe,
dan jipeutaklok dimiyueb kuasa awaknyan.
43Meu ulang-ulang Tuhan geupeubeubaih awaknyan,
teuma awaknyan teutab galak bak buet beurontak,
sampoe awaknyan habéh binasa nibak desya-desya jih keudroe.
44Teuma Tuhan geudeungoe cit apoh apah awaknyan,
dan Gobnyan teutab geukalon sosah awaknyan.
45Deumi awaknyan Gobnyan teuingat keu janji nyang ka geupeugah
dan geugaséh keu awaknyan sabab geunaséh Geuh nyang raya.
46Gobnyan laju geupeujeuet awaknyan beujigaséh
lé mandum ureuëng nyang jiteun awaknyan.
47 #
1Taw. 16:35-36
Peuseulamat kheueh kamoe, ya Tuhan kamoe,
neupeusapat kheueh kamoe lamkawan bansa-bansa,
mangat kamoe jeuet meusyukoe
dan kamoe pujoe nan Droeneueh nyang suci.
48Pujoe kheueh Tuhan, Allah Israel,
phon saátnyoe dan siumu masa.
Bah kheueh banmandum ureuëng jipeugah, “Amin!”
Pujoe kheueh Tuhan!
Currently Selected:
ZABUR 106: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
