MARKUS 1

Khutubah Nabi Yahya Pumanö

(Mat. 3:1-12; Luk. 3:1-18; Yah. 1:19-28)

1Nyoe kheueh Haba Gét keuhai Isa, Aneuëk Allah.#Lam padub-padubboh naseukah kuno hana Aneuëk Allah. 2#Mal. 3:1 Haba Gét nyoe awaiphon geutuléh lé Nabi Yesaya lagée nyoe,

“ ‘Nyoe kheueh utosan ulôn,’ kheun po teu Allah;

‘Ulôn kirém jihnyan leubeh ilée nibak Gata,

mangat jihnyan jipeuhah rot ueh keu Gata.’

3 # Yes. 40:3 Na ureuëng nyang meuhôi-meuhôi di padang pasi,

‘Peusiab kheueh rot ueh keu Tuhan;

peusaré kheueh rot-rot nyan jeuet mangat bak Geujak.’ ”

4Lagée nyang teutuléh nyan, meunan kheueh teuka Nabi Yahya lam padang pasi. Gobnyan geupumanö manusia dan geupeusampoe haba nyang teuka nibak Po teu Allah.#meunan kheueh … haba nyang teuka nibak Po teu Allah, padub-padubboh naseukah kuno: meunan kheueh Yahya Pumanö teuka di padang pasi geujak peusampoe feureuman nyang teuka nibak Po teu Allah. “Gata harôh tobat nibak mandum desya-desya gata dan harôh teupumanö, mangat Po teu Allah geupeu amphon gata,” meunan kheueh geupeugah lé Nabi Yahya. 5Mandum ureuëng nyang teuka nibak Yodea dan banda di Yerusalem jijak ubak Nabi Yahya dan jideungoe peue nyang geupeugah lé Nabi Yahya nyan. Laju awaknyan jiaku banmandum desya-desya jih, dan Nabi Yahya laju geupumanö awaknyan lam Krueng Yordan.

6 # 2Raj. 1:8 Nabi Yahya geungui peukayan nyang teupeugét nibak bulée unta. Taloe keuieng gobnyan teupeugét nibak kulét, peunajoh gobnyan daruet ngon meulisan uteuen. 7Gobnyan geupeusampoe haba nyang lagée nyoe, “Singoh óh ka lheueh ulôn, teuma teuka ureuëng nyang leubeh rayeuk nibak ulôn. Keu lôn tukui lôn ploih taloe sipatu Gobnyan pih hana jeuet lôn peubuet. 8Ulôn pumanö gata deungon ié, teuma Gobnyan geupumanö gata ngon Roh Po teu Allah.”

Nabi Yahya geupumanö Isa

(Mat. 3:13-17; Luk. 3:21-22)

9Bak watée nyan Isa teuka nibak Nazaret u Galilea, dan Nabi Yahya Pumanö watée nyan na Gobnyan bak Krueng Yordan, lam Krueng Yordan nyan kheueh Isa geupumanö lé Nabi Yahya. 10Meunan Isa geuteungoh lam krueng nyan, deuh laju geungieng langét teuhah dan Roh Allah geutron lagée cicém mirah pati u ateueh Gobnyan. 11#Keuj. 22:2; Zab. 2:7; Yes. 42:1; Mat. 3:17, 12:18; Mrk. 9:7; Luk. 3:22 Dan óh lheueh nyan teudeungoe su Po teu Allah nyang geupeugah lagée nyoe, “Gata kheueh Aneuëk Ulôn nyang Ulôn gaséh. Gata nyang peugalak that nibak até Lôn.”

Isa ji-ujoe lé Iblih

(Mat. 4:1-11; Luk. 4:1-13)

12Bagaih that óh lheueh nyan Roh Allah laju geuba Isa u padang pasi. 13Peuet ploh uroe Gobnyan lam padang pasi nyan, ji-ujoe lé Iblih. Meunan cit deungon beulatang kleut na meusajan Gobnyan disinan, dan dumna malaikat geupeutimang Gobnyan.

Isa geutawök peuet droe neulayan

(Mat. 4:12-22; Luk. 4:14-15, 5:1-11)

14Óh ka lheueh Nabi Yahya Pumanö jipeutamong lam glab, Isa laju geujak u Galilea, dan geupeusampoe laju Haba Gét nyang teuka nibak Allah disinan. 15#Mat. 3:2 Kheun Gobnyan, “Watée jih ka troh, Allah sigra geumat peurintah. Tobat kheueh nibak banmandum desya-desya gata, dan peucaya kheueh ubak Haba Gét nyang teuka nibak Po teu Allah!”

16Watée Isa teungoh geujak bak panté Danau Galilea, leumah laju geungieng dua droe neulayan, neulayan nyan na kheueh Simon dan adoe jih nyang nan Andreas. Awaknyan teungoh jeue eungkot lam danau nyan. 17Isa geupeugah ubak awaknyan, “Seutôt kheueh ulôn, ulôn teuma lôn purunoe gata pakriban cara jih teujeue manusia.” 18Hana jipike panyang bandua awaknyan laju jiseutôt Isa dan jeue jihnyan hana jipako jitinggai disinan.

19Isa geujak laju, deuh teuma geungieng dua droe teuk adoe aduen, nyang nan jih sidroe Yakobus dan Yahya, awaknyan bandua aneuëk Zebedeus. Watée Isa troh keunan, geungieng awaknyan teungoh cob jeue lam peurahô jih. 20Isa langsong geutawök awaknyan. Bandua awaknyan laju jitron lam peurahô sira jitinggai ureuëng syiek ngon ureuëng-ureuëng laén nyang pajoh gaji bak gobnyan. Dan awaknyan laju jiseutôt Isa.

Ureuëng nyang jitamong roh jeuhet

(Luk. 4:31-37)

21Isa ngon murit-murit Gobnyan laju troh u banda Kapernaum. Bak uroe Sabat seulanjut jih, Isa geutamong lam saboh rumoh iébadat laju geuseumeubeuet disinan. 22#Mat. 7:28-29 Ureuëng-ureuëng nyang deungoe Gobnyan hireuen watée jideungoe cara Gobnyan seumeubeuet. Sabab, Gobnyan geuseumeubeuet deungon peunoh wibawa, hana lagée gurée-gurée agama nyang laén.

23Bak watée nyan na sidroe ureuëng nyang ka jitamong roh jeuhet laju jitamong lam rumoh iébadat, óh troh keunan laju jidumpék ngon su meutaga, 24“Hei Isa ureuëng Nazaret, peue keuneuk ta peubuet ateueh kamoe nyoe? Droeneueh jak keunoe keuneuk peubinasa kamoe? Ulôn kuteupeu soe Droeneueh nyan: Droeneueh kheueh utosan nyang suci nyang teuka nibak Po teu Allah!”

25“Seungab!” geudhôt lé Isa ubak roh jeuhet nyan, “teubiet laju lam tuboh ureuëng!”

26Teuma di roh jeuhet nyan laju jiyok-yok tuboh ureuëng nyan sihabéh seuneuga, óh lheueh nyan laju jiteubiet lam tuboh ureuëng nyan sira jidumpék. 27Banmandum ureuëng nyang na disinan hireuen lumpah na, sampoe awaknyan jimarit sabe keudroe-droe, “Hei, peue bala nyoe? Saboh peungajaran nyang barô! Deungon peunoh wibawa gobnyan hase geupeurintah roh-roh jeuhet jiteubiet lam ureuëng nyan, dan jihnyan taát ubak Gobnyan!”

28Teuma haba keuhai Isa bagaih that meutabu bansaboh Galilea.

Isa geupeu puléh ureuëng ramé

(Mat. 8:14-17; Luk. 4:38-41)

29Isa ngon murit-murit Gobnyan laju geutinggai rumoh iébadat nyan dan geujak laju u rumoh Simon dan Andreas. Yakobus ngon Yahya geujak cit meusajan awaknyan. 30Mak tuan Simon teungoh sakét deumam bak teumpat éh. Watée Isa ngon murit-murit Gobnyan geutamong lam rumoh nyan, ubak Isa laju jibri tée hainyan. 31Ban geudeungoe nyan, Isa laju geujak ubak tuan Simon nyan, laju geumat jaroe ureuëng nyan, laju geutulông peubeudôh ureuëng nyan. Watée nyan cit teuma ureuëng nyan ka puléh deumam dan laju jitulông peutimang awaknyan.

32Óh seupôt uroe, watée mata uroe ka jilhob,#mata uroe ka jilhob: Deungon jilhob mata uroe, Uroe Sabat ka habéh, deungon nyan teuma ureuëng-ureuëng Yahudi ka jeuet jimeukeureuja lom teuma. di ureuëng ramé laju jiba ubak Isa mandum ureuëng sakét dan nyang jitamong roh jeuhet. 33Banmandum peunduduek banda nyan ka meusapat dileuen rumoh nyan. 34Dan Isa laju geupeu ubat banmandum ureuëng nyang keunong meubagoe rupa peunyakét, dan geu use bubena roh-roh jeuhet. Gobnyan hana geubri idhin roh-roh jeuhet nyan jipeugah haba, sabab jihnyan jiteupeu soe Gobnyan.

Isa meukhutubah di Galilea

(Luk. 4:42-44)

35Óh singoh beungoh, watée mantong suboh that, Isa geubeudôh geutinggai laju rumoh nyan. Gobnyan geujak u teumpat nyang sungue diluwa banda, laju geumeudoá bak teumpat nyang sungue nyan. 36Teuma lé Simon dan rakan-rakan gobnyan jijak mita gobnyan. 37Dan watée awaknyan ka meurumpok ngon gobnyan, awaknyan jipeugah, “Banmandum ureuëng teungoh jimita bapak.”

38Teuma geujaweueb lé Isa, “Jak geutanyoe tajak laju u banda-banda nyang na ban sikeulileng. Ulôn harôh lôn khutubah bak teumpat nyan, sabab nyan kheueh meukeusut ulôn teuka keunoe.”

39 # Mat. 4:23, 9:35 Sabab nyan Isa geujak ho-ho mantong bansaboh Galilea, dan geukhutubah bak rumoh-rumoh iébadat sira geu use bubena roh-roh jeuhet.

Isa geupeu puléh ureuëng nyang keunong peunyakét kulét

(Mat. 8:1-4; Luk. 5:12-16)

40Sidroe ureuëng meupeunyakét kulét nyang ka lumpah that parah#meupeunyakét kulét nyang ka lumpah that parah: Meunurot peuratoran agama Yahudi, lé sabab peunyakét nyoe jeuet keusabab nyang keunong peunyakét nyan hana patot jiseumah Po teu Allah nibak teumpat iébadat (kalon kamuih). jijak ubak Isa. Sira jimeuteuôt ureuëng nyan jipeugah, “Meunyoe Bapak neutém, Bapak jeuet Bapak peupuléh ulôn.”

41Isa weueh#weueh: padub-padubboh naseukah kuno: beungéh. óh geungieng ureuëng nyan. Jadi, Gobnyan laju geumat ureuëng nyan sira geupeugah, “Ulôn tem, beupuléh kheueh gata!” 42Watée nyan cit teuma peunyakét ureuëng nyan gadôh dan laju puléh. 43Dan Isa laju geuyuejak ureuëng nyan sira geupeu ingat lagée nyoe, 44#Im. 14:1-32 “Awaih, bék peugah-peugah bak soe mantong, teuma gata jak kheueh ubak imeum, dan gata lakée gobnyan keu geupeubeutôi bahwa gata ka puléh. Dan sibagoe gata ka puléh, gata sie kheueh keureubeuen lagée nyang ka geupeurintah lé Nabi Musa, sibagoe bukeuti bak ureuëng laén bahwa gata beutôi-beutôi ka puléh.”

45Teuma di ureuëng nyan jijak, hana putôh-putôh jicalitra bak gob keujadian nyan Isa hana hase geutamong lam banda seucara trang-trang. Gobnyan teuma tinggai diluwa banda bak teumpat-teumpat nyang sungue. Teuma ureuëng laén hana putôh-putôh jijak bak gobnyan nyang teuka nibak pané-pané.

Currently Selected:

MARKUS 1: LAIACE

Highlight

Copy