AYUB 7
7
1Manusia nyan lagée teupaksa meujuang;
udeb jih brat lagée udeb sidroe ureuëng tung upah;
2lagée namiet nyang rindu ubak teumpat meulindong;
lagée buruh nyang jipreh gaji.
3Habéh buleuen meugantoe buleuen udeb lôn hana tujuan;
habéh malam meugantoe malam até ulôn peunoh keuseudehan.
4Watée ulôn jak éh, malam meureuntang panyang;
ulĂ´n meucen that ubak reuneue, hana hase ulĂ´n Ă©h ngon teunang.
5Tuboh ulĂ´n peunoh ngon glang dan krak darah;
kulét lôn luka dan jipeuteubiet danoh.
6Udeb lĂ´n nyang hana harapan nyan jijak laju ubak keuneulheueh,
leubeh tajam nibak tumpeuen jijak peurahĂ´ jih.
7Ingat kheueh, ya Allah, udeb lôn na kheueh nafáh nyang teuyueb;
bahgia lĂ´n gadĂ´h, hana tinggai beukaih.
8Jinoe Droeneueh neukalon ulôn – teuma nyan hana treb.
Meunyoe teuma ulĂ´n Droeneueh mita, teuma ulĂ´n ka hanale.
9-10Lagée awan nyang reudôk dan laju gadôh,
manusia pi maté, hana teuma jiwoe le.
Banmandum ureuëng nyang ka lheueh jituri gobnyan,
tuwoe ubak gobnyan dan hanale jiingat gobnyan.
11LĂ© sababnyan ulĂ´n hana jeuet lĂ´n seungab droe!
Rasa peudeh dan phet ulĂ´n hana hase lĂ´n peuseungab.
UlĂ´n harĂ´h lĂ´n peugah haba,
dan lôn peugah mandum asoe até lôn.
12Pakon ulĂ´n nyoe teutab Droeneueh kawai dan Droeneueh jaga?
Peu kheueh ulôn nyoe naga laôt#naga laôt: Nyoe teutunyok ubak calitra-calitra kuno nyang teucalitra bahwa naga-naga laôt harôh teujaga mangat bék tuwoe seuhingga teupeusabab jeuet keurusak. nyang meubahya?
13UlĂ´n ku Ă©h dan lĂ´n ujoe peulheueh hek;
ulôn mita nyang phui keu até ulôn nyang gundah gulana.
14Teuma Droeneueh peutakot ulĂ´n deungon lumpo;
Droeneueh peuteuka lumpo brok dan khayalan.
15Lé sababnyan ulôn leubeh galak jiceukiek laju maté
nibak udeb deungon tuboh nyang peunoh deurita nyoe.
16Ulôn hek dan bosan udeb; ulôn meuheuet that keu maté!
Peubiyeu mantong ulĂ´n sabab udeb ulĂ´n hana meuguna.
17 #
Zab. 8:5, 144:3 Pakon manusia meunan that peunteng nibak Droeneueh?
Pakon buet-buet jih Droeneueh kalon sabe?
18Droeneueh seulidék jihnyan tieb-tieb beungoh,
dan tieb-tieb watée jihnyan Droeneueh ujoe.
19Pajan kheueh Droeneueh neupaleng nibak ulĂ´n,
sampoe hase ulôn úet ié ludah lôn?
20Hei Tukang keumiet lôn, peu kheueh rugoe Droeneueh sabab lé desya lôn?
Pakon Droeneueh peuguna ulĂ´n sibagoe sinakat aneuk panah Droeneueh?
Peue ka geuhon that ulĂ´n nyoe jeuet keu beuban Droeneueh?
21Peu kheueh hana hase Droeneueh neupeu amphon desya lĂ´n?
Peu kheueh hana mungken Droeneueh sampĂ´h salah ulĂ´n?
Hana treble ulĂ´n ka teu Ă©h dalam jrat,
dan meunyoe Droeneueh mita ulôn, ulôn hana meuteumé.”
Currently Selected:
AYUB 7: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
