AYUB 40
40
1-2Hei Nabi Ayub, gata lawan UlĂ´n, Po teu Allah Nyang Mahakuasa;
peu kheueh gatatem peutaloe droe atawa peu kheueh gatatem meubantah?”
Nabi Ayub
3-4Teuma geujaweueb lé Nabi Ayub ubak Tuhan, “Ulôn kumeututoe lagée ureuëng bangai ya Tuhan.
Jeunaweueb peu kheueh nyang jeuet ulĂ´n peugah?
Hana sapeue na le nyang harĂ´h lĂ´n peugah.
5Keubiet ka jai that nyang ka lheueh lôn peugah.”
6Laju rot lam angén badée Tuhan meufeureuman lom ubak Nabi Ayub.
Tuhan
7Laju Tuhan meufeureuman ubak Nabi Ayub,
“Hadab kheueh Ulôn sibagoe ureuëng agam,
dan jaweueb kheueh banmandum nyang UlĂ´n tanyong nyoe.
8Peu kheueh keuneuk gata iengkeue ubak keuadelan LĂ´n,
dan gata peubeutĂ´i droe gata deungon gata peusalah UlĂ´n?
9Peu kheueh gata teuga lagée Ulôn?
Peu kheueh hase su gata lagée su geulanteue saban ngon su Lôn?
10Hias kheueh droe gata deungon keumeugahan dan keubeusaran,
ngui kheueh keuagongan dan keujujoran.
11Pandang kheueh awaknyan nyang cungkak até jih;
peuju meudok-dok kheueh beungéh gata dan peumiyueb kheueh awaknyan.
12Nyoe, pandang kheueh ureuëng nyang sombong dan peutundok kheueh jihnyan!
Peureumok kheueh ureuëng jeuhet bak teumpat jih.
13Kubu kheueh awaknyan banmandum lam abée;
kurông kheueh awaknyan lam donya ureuëng maté.
14Deungon nyan gata teuma LĂ´n pujoe
sabab gata meunang deungon teunaga gata keudroe.
15Ngieng kheueh Behemot,#Behemot: Na nyang meupeundapat Behemot nyan saban lagée guda Nil, peundapat laén jipeugah bahwa atranyan lagée makhlok ligeunde. si beulatang gogasi;
saban lagée gata, jihnyan pi cebtaan Ulôn.
Naleueng-naleueng ka jeuet keu eumpeun jih,
saban lagée leumô biasa.
16Teuma kalon kheueh beuget-get teunaga lam tuboh jih
dan teunaga nyang na nibak atot-atot jih.
17Jipeudong ikue jih lagée bak aras,
atot-atot pha jih kong-kong dan kreueh.
18Tuleueng-tuleueng jih teuga lagée teumaga,
gaki jih kong that saban lagée bak-bak baja.
19Lamkawan banmandum makhlok UlĂ´n jihnyan kheueh nyang paleng hebat;
teuma lé Nyang Cebta jihnyan mantong nyang hase peutaklok!
20Nibak bukét-bukét teumpat beulatang kleut jimeu-euen-meuen ngon geumbira,
timoh kheueh naleueng nyang jeuet keu eumpeun jih.
21Jihnyan ji-Ă©h dimiyueb tamah meuduro,
lamkawan naleueng geulagah lam paya uyok jimusöm teuma.
22Paya uyok meuduro jipeupayĂ´ng jihnyan deungon bubayang-bubayang jih.
Bak gandarusa nyang timoh bak binéh krueng habéh teutôb jihnyan.
23Jihnyan hana yo bahpi Krueng Yordan tajam that ji ile,
jihnyan teutab teunang bahpi ié jiheuntam muka jih.
24Soe kheueh nyang jijeuet peubuta mata jih,
laju jidrob jihnyan deungon teuikat babah jih?
Currently Selected:
AYUB 40: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
