AYUB 3
3
Aloh alah Nabi Ayub ubak Po teu Allah
1 #
Yer. 20:14-18
Óh lheueh nyan Nabi Ayub geupeuphon peugah haba dan geukutok uroe gobnyan lahé, kheun gobnyan,
2-3“Ya Allah, kutôk kheueh uroe ulôn lahé,
dan malam yoh phon ulôn geukandong lé ma!
4Ya Allah, peujeuet kheueh uroe nyan seupĂ´t;
sampĂ´h kheueh nibak ingatan Droeneueh sampoe leunyab;
bék kheueh Droeneueh peubiyeu teuma
cahya meuble-ble nyang peupeungéh jihnyan.
5Peujeuet kheueh uroe nyan itam ngon seupĂ´t glab;
seupĂ´t glab, sapu suram;
neutĂ´b kheueh ngon awan dan mega,
peupayĂ´ng kheueh nibak cahya surya.
6Bah kheueh malam nyan teupeugadĂ´h
nibak itongan thon dan buleuen;
bék le ji-ingat,
meunan cit bék teubileueng.
7Bah kheueh malam nyan peunoh lé seupôt
hana geumbira, dan hana teuma meusra.
8Hei gata dukun-dukun dan nyang keundali Lewiatan,#Lewiatan: Na nyang peutrang hijih lagée buya, atawa beulanatang gogasi laôt. Tukang-tukang sihe jianggab hase jiyue Lewiatan jipeuna geurana mata uroe dan jipeukaru donya.
peurhot kheueh uroe nyan deungon sumpah dan kutĂ´k;
9bék sampoe bintang keujora meuble-ble cahya,
bék peubiyeu cahya beungoh jiteubiet teuma!
Bah kheueh malam nyan sia-sia mantong teupreh
teuka jih uroe dan harapan nyang barĂ´.
10TeukutĂ´k kheueh malam ceulaka
watée ulôn geupeulahé lé ma,
dan geupeubiyeu teutanggong seungsara.
11Pakon ulôn hana maté lam pruet ma,
atawa nyawöng lôn teusuet watée ulôn lahé?
12Pakon ulôn geuwa lé ma dan geupangkée teuma,
dan geupeumom nibak boh dada geuh?
13Meunyoe watée nyan ulôn kuwoe ubak Po,
teuma ulĂ´n Ă©h dan meureuhat deungon teunang,
14lagée raja-raja dan nyang mat kuasa yoh watée ilée,
nyang peudong lom meuligoe bak jamén purba.
15Ulôn teu éh lagée aneuëk raja,
nyang pasoe rumoh gobnyan deungon pirak keuncana.
16Pakon ulôn hana lahé tanna le nyawöng
mangat teu Ă©h ulĂ´n meusineunya dan teulena?
17Disideh, lam kubu,
ureuëng jeuhet hana jipeubuet jeuhet
dan buruh nyang ka habéh teunaga
hase jipeulheueh hék jih.
18Meunan cit tawanan meurasa puih,
beubaih nibak jidhot-dhot lé tukang jaga.
19Disideh mandum ureuëng saban:
nyang meusyeuhu dan nyang hana meugah.
Bubena namiet meurdehka teuma Ăłh dudoe.
20Pakon manusia geupeubiyeu hana putĂ´h-putĂ´h udeb seungsara?
Pakon trang geubri ubak nyang seudeh?
21 #
Why. 9:6
Awaknyan leubeh galak kubu nibak hareuta,
teupreh-preh mawöt, teuma teutab hana teuka.
22Keubahgiaan barĂ´ hase teurasa
watée awaknyan ka maté dan teupeukubu.
23Watée ukeue awaknyan geupeukeuleubông lé Po teu Allah,
awaknyan geukeupông lé gobnyan rot meubagoe arah.
24Gantoe jih pajoh, teuma ulĂ´n apoh apah,
hana piĂ´h-piĂ´h ulĂ´n apoh apah.
25Banmandum nyang ulĂ´n gundah rhot ateueh lĂ´n,
banmandum nyang ulĂ´n takot, jiheuntam ulĂ´n.
26Nibak ulĂ´n hana nyang teuntram,
ulôn meudeurita hana keuneulheueh.”
Currently Selected:
AYUB 3: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
