AYUB 22
22
MEUTUTOE NYANG KEULHÉE
22:1–27:23
Elifas
1-2 #
Ayb. 35:6-8
Laju geupeugah kheueh lé Elifas,
“Lamkawan umat manusia,
hana meusidroe pih meuguna nibak Po teu Allah.
Ureuëng nyang biet-biet meuakai budoe,
na kheueh meuguna keu droe jih keudroe.
3Peu kheueh na guna jih nibak Po teu Allah,
meunyoe gata tapeubuet keuheundak Gobnyan?
Peu kheueh na laba keu Gobnyan,
meunyoe udeb gata sampoereuna?
4Kon lé sabab teumakot gata ubak Po teu Allah,
gata jitudoh dan jianggab meusalah,
5teuma lé sabab jai that-that desya gata,
dan keubiet jeuhet that buet ngon pi-e gata.
6Meunyoe syedara gata hana hase jibayeue utang jih,
gata reupah mandum peukayan jih.
7Ureuëng nyang hék hana gata bri ié jieb,
nyang deuk hana gata peutaba peunajoh.
8Gata peuguna jabatan dan kuasa
keu gata seta banmandum tanoh jih.
9Bukon mantong gata hana tatulông inong-inong balée,
teuma aneuëk yatem ngon meuntui pih gata tindéeh.
10LĂ© sababnyan bansikeulileng gata, jinoe peunoh ngon peurangkab,
dan deungon hana teusangka-sangka até gata peunoh ngon teumakot.
11Uroe seumaken seupĂ´t, hana hase gata keumalon;
gata jirôh lé ié raya nyang paleng tajam.
12Bukon kheueh Po teu Allah geutinggai bak langét nyang paleng manyang,
dan geungieng u miyueb, ubak bintang-bintang nyang paleng manyang?
13Teuma digata tatanyong, “Peue jiteupeue Gobnyan?
Gobnyan na dimeurandeh awan dan hana hase geupeusidang tanyoe.”
14Gata tapike bahwa pandangan Gobnyan teutĂ´b ngon awan
dan bahwa teuma nibak bataih lamkawan langét ngon bumoe#bataih lamkawan langét ngon bumoe: Yoh watée ilée gaki langét jianggab sibagoe saboh beunda bulat nyang rayeuk nibak teumpat nyan bumoe ngon langét meurumpok, dan nibak teumpat nyan Po teu Allah geujak-jak geukeulileng keu geupeureksa bumoe. Gobnyan geujak?
15Peu kheueh gata teutab keuneuk jak rot ueh
nyang ka jipiléh lé ureuëng-ureuëng jeuhet?
16Awaknyan teucok sigohlom trok watée jih maté,
dan jipeuhanyot lé ié raya nyang teuka.
17Awaknyan kheueh nyang jijeuet tulak Po teu Allah Nyang Mahakuasa,
dan jipike Gobnyan hana hase geupeubuet sapeue ateueh awaknyan.
18Padahai Po teu Allah nyang ka peujeuet awaknyan kaya!
Keubiet ulôn hana muphom pikeran ureuëng doraka!
19Ureuëng nyang jroh, teukém-kém peunoh geumbira,
watée jikalon ureuëng jeuhet meuteumé huköman.
20Banmandum atra ureuëng jeuhet ka hanco sapan sapa,
dan apui teuka laju jitot habéh nyang na tinggai teusisa.
21Nyan, Nabi Ayub, meudamé kheueh ngon Tuhan,
mangat gata meuteumé keuteuntraman.
Meunyoe nyan gata peubuet,
pasti gata meuteumé laba.
22Teurimong kheueh peue nyang geupeurunoe lé Tuhan ubak gata;
keubah kheueh mandum nyan lam até gata.
23Woe kheueh ubak Tuhan deungon miyueb até#Saboh teujeumahan kuno miyueb até, Ibrani: teupeumanyang.
nyang jeuhet nyang na lam rumoh gata bah kheueh gata sampĂ´h.
24Böih kheueh méuh gata nyang paleng aseuli;
rhom kheueh lam tuwie krueng nyang hana lé meu ié.
25Bah kheueh Nyang Mahakuasa jeuet keu méuh gata,
dan keu pirak gata nyang paleng lumbĂ´i sa.
26LĂ© sababnyan gata jeuet peucaya ubak Po teu Allah,
dan gata teupeue bahwa Gobnyan punca bahgia gata.
27Meunyoe gata meudoá, Gobnyan teuma geujaweueb gata,
dan gata hase tapeuteupat banmandum janji gata.
28Useuha gata teuma sabe meuhase,
dan trang teuma meucahya lam udeb gata.
29Ureuëng nyang sombong#Keumungkenan that makna jih sombong. geupeumiyueb lé Tuhan,
teuma nyang miyueb até teuma geupeuseulamat.
30Po teu Allah teuma geutulĂ´ng gata meunyoe gata hana meusalah,
dan meunyoe gata tapeubuet keuheundak Gobnyan.”
Currently Selected:
AYUB 22: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
