KITAB NABI YESAYA PEU INTAT HABA
PEU INTAT HABA
Kitab nyoe teupeunan meunurot nan sidroe nabi rayeuk nyang udeb di Yerusalem bak bagian nyang keudua abad nyang keulapan sigohlom thon Masehi. Banmandum nyan jeuet teubagi dalam lhée boh bagian:
1. Pasai 1-39 meuasai nibak jamén bak watée Yehuda, keurajeuen seulatan, jiancam lé Asyur, nanggroe teutangga nyang paleng teuga. Yesaya geusadar bahwa nyang sikeubit jih nyang jeuet keuancaman ukeue Yehuda bukon kheueh teunaga Asyur, teuma desya bansa Yehuda nyan keudroe, sabab bansa nyan hana taát dan kureueng peucaya ubak Po teu Allah. Bah kheueh nyan deungon tutoe haba, meunan cit deungon buet, Nabi Yesaya geudorong rakyat meunan cit deungon dumna peumimpén awaknyan mangat udeb meunurot keuheundak Po teu Allah dan geupeubuet ade. Gobnyan geupeuingat bahwa umat Po teu Allah teuma ceulaka dan meubala meunyoe hana jitem geudeungoe Tuhan. Meunan cit Nabi Yesaya geuramai keuhai peudaméan donya dan keuhai teuka sidroe keuturonan Nabi Daud nyang teuma jeuet keuraja nyang teuharab-harabkan.
2. Pasai 40-55 meuasai nibak masa teujakböih ureuëng-ureuëng Yehuda di Babel. Awaknyan lam keuadaan hanco hana harapan. Nabi Yesaya laju geupeugah bahwa hana treb le Po teu Allah geupeubeubaih umat Gobnyan dan geupuwoe awaknyan u Yerusalem, keu teupeuphon saboh udeb barô. Tema nyang paleng peunteng lam bagian nyoe na kheueh bahwa Po teu Allah nyan Tuhan nyang geukuasa seujarah, dan bahwa Gobnyan geureuncana keu geu utoh umat Gobnyan ubak banmandum bansa nyang teuma geubri beureukat meulalu Israel. Ayat-ayat keuhai “Hamba Tuhan” na kheueh sapeue-sapeue bagian nyang paleng meugah nibak Peujanjian Awai.
3. Pasai 56-66 seubagian nyang le teutuju keu bansa nyang geugisa u Yerusalem. Awaknyan peureulée teupeuyakén lom bahwa Po teu Allah teuma geupeupeunoh janji-janji Gobnyan keu bansa nyan. Peurati nyang khusos geubri ubak cara udeb nyang beutôi dan keuadelan; meunan cit keu cara teupeuraya uroe Sabat, peuseumah keureubeuen dan doá. Ayat-ayat nyang peunteng na kheueh 61:1-2 nyang geupeuguna lé Isa keu geupeusampoe panggilan Gobnyan bak watée Gobnyan geupeuphon tugah Geuhnyan di ateueh donya.
Asoe jih
Peuingat dan janji 1:1–12:6
Huköman keu bansa-bansa 13:1–23:18
Peungadelan Allah teuhadab donya 24:1–27:13
Peuingat leubeh lanjut dan janji 28:1–35:10
Raja Hizkia nibak Yehuda dan ureuëng-ureuëng Asyur 36:1–39:8
Peusan peunoh janji dan harapan 40:1–55:13
Peuingat dan janji 56:1–66:24
Currently Selected:
KITAB NABI YESAYA PEU INTAT HABA: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.