KITAB NABI YESAYA 8
8
Aneuëk Nabi Yesaya sibagoe tanda keu bansa nyan
1 Tuhan meufeureuman ubak ulôn, “Tacok kheueh laju saboh batée tuléh nyang raya, tuléh laju deungon hurof-hurof nyang jeulaih:#jeulaih atawa rayeuk atawa nyang hase jibaca lé soe mantong. ‘Meureupah nyang Tangkaih, Peurampokan nyang Bagaih’.#Meureupah nyang Tangkaih, Peurampokan nyang Bagaih: Lam basa Ibrahi Maher-Syalai dan Hasy-Bas. 2Tawök kheueh sibagoe saksi dua droe nyang jeuet teupeucaya, awaknyan na kheueh Teungku Imeum Uria dan Zakharia, aneuëk Yeberekhya.”
3Na padub watée óh lheueh nyan peurumoh lôn mume. Bak watée aneuëk kamoe lahé, Tuhan geupeugah ubak ulôn, “Taboh laju nan aneuëk nyan, ‘Peureupah nyang Tangkaih, Peurampokan nyang Bagaih.’ 4Sabab, sigohlom aneuëk nyan seb rayeuk keu jipeugah ‘Bapak’ dan ‘Ma’, banmandum keukayaan Damsyik dan banmandum barang reupasan Samaria teuma ji angkot ubak raja Asyur.”
Raja Asyur teuka
5 Tuhan meufeureuman lom ubak ulôn, 6Kheun Gobnyan, “Bansa nyoe jitulak ié nyang lintong nibak aneuk Krueng Syiloah,#aneuk Krueng Syiloah: Aneuk krueng nyang ji-ile nibak saboh mata ié rayeuk di blah timu Yerusalem. dan galak#galak: Padub-padubboh teujeumahan laén: tabeue até atawa: teumakot atawa: yo meutôt-tôt. deungon Raja Rezin dan Raja Pekah. 7Sabab nyan Ulôn, Tuhan, teuma Lôn peuteuka raja Asyur dan banmandum tantra gobnyan keu jijak prang Yehuda. Awaknyan teuma maju lagée Krueng Efrat nyang meuluab-luab dan habéh jipeubanjie banmandum tabéng-tabéng jih nyan. 8Awaknyan jilanda Yehuda lagée ié raya nyang ngöb trok ét takue dan jipeungöb peue-peue nyang na.”
Po teu Allah na meusajan ngon geutanyoe!#Po teu Allah … geutanyoe, atawa: sayeueb-sayeueb Gobnyan geupeukeumang ateueh banmandum nanggroe. Seumoga Allah na meusajan geutanyoe. Sayeub Gobnyan nyang meureutang geupeupayong nanggroe geutanyoe.
9Meuhimpon kheueh deungon yo, hai banmandum bansa! Deungoe kheueh hai ujong-ujong bumoe! Meusiab-siab kheueh mangat tajak muprang, teuma deungon até nyang yo! Nyoe, meusiab-siab kheueh, teuma deungon rasa nyang yo! 10Peugöt kheueh reuncana, teuma banmandum hana meuhase. Cok kheueh keuputosan, teuma hana meuguna, sabab Po teu Allah na meusajan deungon kamoe.
Tuhan geubri peuingat ubak Nabi Yesaya
11Ulôn geukuasa lé Tuhan dan geubri peuingat mangat bék ulôn seutôt jalan nyang jilalu lé bansa nyan. Kheun Gobnyan, 12#1Ptr. 3:14-15 “Bék neu anggab kumplotan peue nyang ji anggab lé awaknyan kumplotan, dan bék teumakot ubak hai-hai nyang teuma jitakot lé awaknyan. 13Ingat kheueh bahwa Ulôn Tuhan Nyang Mahakuasa na kheueh suci. Teuma keu Ulôn kheueh nyang harôh gata takot. 14#1Ptr. 2:8 Lé sabab Ulôn nyoe keubit that suci, ulôn jeuet keu batée nyang meugantoh nibak rakyat Yehuda dan Israel, dan nyang jeuet keupeurangkab peunduduek Yerusalem. 15Jai lumpah na ureuëng nyang reubah meugantoh dan teukeunong luka. Awaknyan meusireuk u dalam peurangkab.”
Hana jeuet lakée peutunyok ubak tabib
16Gata nyoe, murit-murit ulôn harôh teukeubah dan tapeulara peusan-peusan nyang ka geubri lé Po teu Allah ubak ulôn. 17#Ibr. 2:13 Tuhan ka geusöm droe nibak keuturonan Nabi Yakub, umat Gobnyan, teuma ulôn peucaya dan meuharab ubak Gobnyan.
18 #
Ibr. 2:13
Nyoe kheueh ulôn dan aneuëk-aneuëk nyang geubri lé Tuhan ubak ulôn. Tuhan Nyang Mahakuasa nyang mat peurintah di Bukét Sion, geu kirém kamoe jeuet keutanda keu umat Israel.
19Teuma ureuëng-ureuëng laén geuyue lakée nibak gata peutunyok keu tabib nyang meusáh-sáh ngon babah jih nyang meumet-met. Ureuëng-ureuëng nyan teuma jipeugah, “Bukon kheueh geutanyoe patot talakée peutunyok ubak areuwah-areuwah deumi keupeuntengan ureuëng udeb?”
20Jaweueb kheueh lagée nyoe, “Deungoe kheueh ajaran Tuhan! Ureuëng nyang hana meututoe deungon ajaran nyan, nibak ureuëng nyan hana teukeubah harapan.”#Lam naseukah Ibrani ayatnyoe hana trang makna jih.
Masa nyang peunoh deungon keuseusakan
21Ureuëng-ureuëng nyang malang dan deuk teuma meuwot-wot di nanggroe nyan. Sabab jih nyan deuk, awaknyan beungéh-beungéh sampoe jiseurapa raja dan Po teu Allah droe jih. Ho mantong awaknyan jipandang, u ateueh, 22atawa u miyueb, awaknyan hana leumah sapeue keucuali keuseusakan dan seupôt buta dan keusuraman nyang luwa biasa. Awaknyan teuma jiböih ubak teumpat seupôt nyan.
23Teuma kon siumu masa nanggroe gata jirasa keuseusakan.
Raja nyang teuma teuka
Daerah nyang jirasa lé sukée-sukée Zebulon dan Naftali ka lheueh geuanggab miyueb lé Tuhan. Teuma keu masa nyang teuma ukeue, Gobnyan geubri horeumat nibak banmandum wilayah phon di Laôt Teungoh u timu trok u meurandeh Krueng Yordan, dan trok u Galilea nyang jiduek lé ureuëng aséng.
Currently Selected:
KITAB NABI YESAYA 8: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
