KITAB NABI YESAYA 52
52
Po teu Allah teuma geupeubeubaih Yerusalem
1 #
Why. 21:2,27 Beudôh kheueh, he Yerusalem,
Beudôh kheueh!
Peukhong kheueh até gata! Dan tasök kheueh laju peukayan keubeusaran gata!
He Yerusalem, banda nyang suci,
ureuëng kuto hana jitamong le rot babah pintoe geureubang gata.
2Beudôh kheueh nibak lam abée, he Yerusalem,
geureutok kheueh abée nyang na meuleukek nibak gata.
Peulheueh kheueh ranté nyang na teuikat bak takue gata,
hé peunduduek Sion nyang keunong teun!
3 Tuhan meufeureuman ubak umat Gobnyan, “Gata jipeubloe deungon cuma-cuma, trok bak saát gatapi geupeuleueh deungon cuma-cuma. 4Yoh masa ilée gata tajak u nanggroe Meusé dan tinggai disinan sibagoe ureuëng aséng. Óh lheuehnyan Asyur laju ji prah gata hana alasan. 5#Rm. 2:24 Jinoenyoe peue urosan Ulôn disinoe? Ureuëng Babel jiteun gata meunan mantong. Awaknyan nyang tindéeh gata deungon sombong dan hana putôh-putôh jihina Ulôn. 6Sabab nyan gata teuma ta aku keudroe bahwa Ulôn nyoe na kheueh Po teu Allah, dan bak watée nyan gata tateupeue bahwa Ulôn kheueh nyang peugah haba ubak gata.”
7 #
Nah. 1:15; Rm. 10:15; Ef. 6:15 Keubit galak that óh lôn ngieng ka teuka utosan;
awaknyan jijak jilintaih gunong-gunong
sira jiba haba gét, haba seujahteura,
bri tée keuseulamatan keu Sion;
kheun gobnyan, “Allah gata na kheueh Raja!”
8Deungoe dumpék geumbira peungawai banda,
awaknyan seumurak meuhubo meusabe rata!
Sabab deungon mata ulée keudroe awaknyan geukalon
Tuhan geuriwang u Sion.
9Meusurak meuhubô kheueh, he rungka-rungka Yerusalem,
sabab Tuhan geuhibur umat Gobnyan
dan geupeubeubaih Yerusalem.
10 Tuhan geupeuleumah keukuasaan Gobnyan
dikeue meubagoe bansa.
Dan bansaboh bumoe teuma jikalon keudroe
keuseulamatan nibak Po teu Allah geutanyoe.
11 #
2Kor. 6:17
Jak wéeh laju keudeh! Tinggai kheueh disinan banda Babel,
he gata nyang taba peukakaih Baét Allah!
Bék kheueh tacukéh barang nyang kuto;#barang nyang kuto: Barang nyang jianggab hana gleh meunurot peuratoran agama.
tapeugleh kheueh droe gata sigohlom tajak.
12Gata hana teugisa-gisa watée tabôt langkah,
dan hana lagée ureuëng nyang jipeuplueng droe.
Sabab Tuhan teuma geubimbéng gata;
Po teu Allah Israel geubimbéng gata nibak sigala peunjuru.
Hamba nyang meudeurita
13 Tuhan meufeureuman,
“Sikeubit jih, hamba Ulôn teuma meuhase;
jihnyan jisanjong dan teupeumanyang.#jisanjong dan teupeumanyang atawa: gobnyan teuma jisanjong dan jipeumanyang lom.
14Yoh watée ilée jai that ureuëng teukeujot óh watée jingieng jihnyan,
ruman jihnyan jipeurusak sampoe hana deuh le lagée hi manusia.
15 #
Rm. 15:21
Teuma bak watéenyoe le that bansa nyang teuhireuen-hireuen,
dan bubena raja-raja nanggroe ka kalu lidah sabab ka tahe.
Awaknyan jikalon dan jimuphom,
nyang sigohlom nyan hana awaknyan teupeue.”
Currently Selected:
KITAB NABI YESAYA 52: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
