KITAB NABI YESAYA 11
11
Keurajeuen Damé
1 #
Why. 5:5, 22:16 Keuturonan Raja Nabi Daud lagée bak kayée nyang ka teu teubang. Teuma siladum nibak utom jih jitimoh tarok nyang barô, meunan cit teuma deungon keuturonan Nabi Daud teuka sidroe raja.
2Kuasa Tuhan geubimbéng gobnyan,
geupeujeuet gobnyan meubudho dan bijaksana,
áref bak geucok keuputosan dan geulaksana;
geuteupeue ubak keuheundak Po teu Allah dan taqwa ubak Gobnyan.
3Keusukaan gobnyan na kheueh taát ubak Tuhan.
Gobnyan hana geupeusidang gob lagée teungieng sikeujab
atawa dasai nibak nariet gob peusampoe.
4 #
2Tes. 2:8
Ureuëng gasien geupeuhakém deungon ade,
ureuëng nyang hana meudaya geubila deungon jujoe;
ureuëng meusalah geuhuköm meunurot peurintah Gobnyan,
ureuëng jeuhet geusampôh habéh.
5 #
Ef. 6:14
Gobnyan meutindak deungon ade dan seutia
nibak peue mantong.
6 #
Yes. 65:25
Srigala teuma tinggai meusajan deungon bubiri,
rimueng tutul jiéh meusajan bak binéh kaméng.
Aneuëk leumô jimeurot#Meunurot padub-padubboh naseukah kuno: leumô jimeurot; meunurot naseukah Ibrani: beulatang peulara nyang teumbon-teumbon. naleueng meusajan deungon aneuëk singa,
dan aneuëk miet nyang jeuet keu tukang rabe awaknyan.
7Leumô jimeurot naleueng deungon cagée,
aneuëk-aneuëk jih bandua jiéh meusapat meusaho teuma.
Singa jimakheun jumpueng saban lagée leumô.
8Bahkan sidroe aneuëk manyak hana teuma jikab
meunyoe jimeuén tô bak binéh uleue meubisa.
9 #
Hab. 2:14
Di Sion, Bukét Suci Po teu Allah,
hana nyang jeuhet atawa nyang peurusak.
Nanggroe peunoh deungon iéleumé peungetahuan keuhai Po teu Allah,
Lagée ié nyang peunoh bansaboh laôt.
Bansa nyang geupeuaséng jiwoe lom teuma
10 #
Rm. 15:12
Watée jih trok sidroe raja nibak keuturonan Nabi Daud jeuet keupusat peuratian bansa-bansa. Awaknyan teuka ubak gobnyan, dan teumpat tinggai gobnyan jipujo-pujo. 11Bak uroe nyan Tuhan sigoeteuk geupeuguna kuasa Gobnyan dan geupuwoe lom umat nyang na mantong teusisa di Asyur dan nanggroe Meusé, di nanggroe-nanggroe Patros, Sudan dan Elam, di Babel, Hamat dan pulo-pulo nyang jiôh. 12Tuhan geupeuék saboh bupanji keu bansa-bansa. Nyan kheueh tanda jih Gobnyan geupeusapat bansa Israel dan Yehuda nyang meutabu bansaboh peunjuru bumoe dan geuba awaknyan puwoe lom teuma. 13Keurajeuen Israel hana le picek até keu Yehuda, dan Yehuda hana teuma jimeumusoh deungon Israel. 14Awaknyan meusajan-sajan teuma jijak seurang ureuëng Filistin di barat dan geureupah banmandum bansa-bansa di timu. Awaknyan teuma jipeutaklok bansa Edom dan Moab, dan bansa Amon teuma tundok ubak awaknyan. 15#Why. 16:12 Tuhan teuma geupeutho Lhok Suez. Gobnyan geupeuteuka angén su-eum sampoe Krueng Efrat jeuet keu tujoh boh bak ié nyang deue, dan soe mantong ureuëng hase jijeumeurang deungon seulob bak gaki. 16Keu umat nyang na mantong tinggai teusisa teuma na rot ueh raya keurot teubiet nibak Asyur, lagée yoh masa Israel jiteubiet lam nanggroe Meusé.
Currently Selected:
KITAB NABI YESAYA 11: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
