HOSEA 3
3
Hosea dan peurumoh gobnyan nyang hana seutia
1 Tuhan meufeureuman ubak ulôn, “Tajak kheueh lom dan tameucinta kheueh ngon sidroe ureuëng inong nyang galak jipeubuet mukah. Cinta kheueh inong nyan lagée Ulôn kucinta ureuëng Israel bahpi awaknyan jitinggai Ulôn dan jiseumah ilah-ilah laén dan galak jipeuseumah kue kismis keu beurala.”#jipeuseumah kue kismis keu beurala: Boh anggô nyang ka teupeutho teupeuguna keungon peuseumah keureubeuen ubak dewa keusuboran nyang meunurot keupeucayaan hase teupeu le hase panen ureuëng-ureuëng nyang seumah nyan.
2Dan ulôn bayeue limong blaih péng pirak dan 150 kilo gram gandom#gandom: nyang teumeukeusut disinoe na kheueh jeunéh gandom nyang leubeh miyueb kwalitaih jih. beu meuteumé ureuëng inong nyan. 3Ulôn peugah ubak jih bahwa jihnyan harôh jipreh ulôn keu watée nyang treb. Seudub nyan treb watée jih ureuëng nyan hana jeuet jipeubuet mukah atawa jijak meulunte, dan ulôn pih hana lôn peurab ubak jihnyan. 4Meunan kheueh hai jihnyan deungon bansa Israel; treb that jihnyan harôh udeb hana meuraja atawa peumimpén, hana keureubeuen atawa tugu-tugu keuramat, hana beurala atawa jimat-jimat nyang jipeugah rahsia masa ukeue. 5Teuma teuka masa jih bansa Israel jiwoe ubak Tuhan Allah jih keudroe, dan ubak raja jih keudroe nibak keuturonan Nabi Daud. Laju awaknyan teumakot dan horeumat ubak Tuhan, dan jiteurimong beureukat-beureukat nyang geubri.
Currently Selected:
HOSEA 3: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
