HABAKUK PEU INTAT HABA
PEU INTAT HABA
Nabi Habakuk geupeusampoe peusan-peusan gobnyan karab akhé abad keu tujoh Sigohlom thon Masehi, bak masa keukuasaan keurajeuen Babel. Gobnyan lumpah that weueh watée geukalon keukeurasan nyang jipeubuet lé bansa nyang keujam nyan, dan gobnyan laju geutanyong ubak Tuhan, “Pakriban Droeneueh hase neumeuteuen watée neungieng ureuëng-ureuëng jeuhet nyang keujam nyan? Bukon kheueh Droeneueh lumpah that suci keu neukalon keujeuhetan? Bukon kheueh Droeneueh meurasa luwat watée neukalon keuhana adelan? Jadi, pakon Droeneueh seungab mantong watée ureuëng nyang saleh jipeuhanco lé ureuëng doraka?” (1:13).
Tuhan geujaweueb bahwa Gobnyan meutindak bak watée nyang ka geupeuteuntée keudroe, dan watée nyan harôh teuingat bahwa “Ureuëng nyang jeuhet hana seulamat, teuma ureuëng nyang peubuet keuheundak Po teu Allah udeb sabab keuseutiaan jihnyan ubak Po teu Allah” (2:4).
Bagian nyang keuneulheuh nibak kitab nyoe meuasoe ramaian keuhai keuhancoran nibak awaknyan nyang hana taát ubak peurintah Tuhan. Dan didalam bagian nyang paleng keuneulheuh nyan geuseuleb ca-e dan pujoe keubeusaran Po teu Allah. Didalam pujian nyan teugamba cit teuma iman nyang kukôh nibak sang nabi.
Asoe jih
Meulakée Habakuk dan jaweueb-jaweueb nibak Tuhan 1:1–2:4
Kutokan ateueh ureuëng-ureuëng nyang hana taát ubak peurintah Tuhan 2:5-20
Doá Habakuk 3:1-19
Currently Selected:
HABAKUK PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.