YEHEZKIEL PEU INTAT HABA
PEU INTAT HABA
Nabi Yehezkiel tinggai di teumpat teuböih di Babel, bah kheueh nyan sigohlom, meunan cit óh ka lheueh rhot Yerusalem bak thon nyang keu 586 Sigohlom thon Maseuhi. Peusan gobnyan geutuju ubak ureuëng-ureuëng nyang teuböih di Babel dan awaknyan nyang tinggai di Yerusalem. Kitab Yehezkiel teubagi dalam peuet boh bagian nyang paleng peunteng lamkawan nyan na kheueh:
(1) Peuingat ubak umat Israel bahwa Po teu Allah geuhuköm awaknyan dan bahwa Yerusalem rhot dan hanco.
(2) Peusan nibak Tuhan bahwa Gobnyan geuhuköm bansa-bansa nyang tindéeh dan nyang peusisat umat Gobnyan.
(3) Peuhiboran keu Israel óh ka lheueh rhot Yerusalem, dan janji keuhai masa ukeue nyang leubeh trang.
(4) Gamba Yehezkiel keuhai Baét Tuhan dan bansa nyang geupeubarô.
Yehezkiel na kheueh sidroe ureuëng nyang paleng khong iman gobnyan dan paleng hebat daya khayal gobnyan. Bagian nyang paleng le nibak peusan gobnyan na kheueh meuteumé nibak nyang deuh-deuh geukalon, dan geupeugah deungon buet nyang hi lambang nyang nyata keu bansa Israel. Yehezkiel geuteugon that ubak peureulée that teupeubarô até dan jiwa, meunan cit tanggong jaweueb tieb-tieb ureuëng ateueh desya-desya jihnyan keudroe. Meunan cit gobnyan geupeugah harapan geuh teupeubarô udeb keu bansa Israel. Sibagoe Teungku Imeum meunan cit sibagoe sidroe nabi, Yehezkiel geubri peuratian khusos keu Baét Tuhan dan peunteng jih udeb meunurot keuheundak Tuhan.
Asoe jih
Yehezkiel geutawök jeuet keu nabi 1:1–3:27
Peusan-peusan keuhai huköman keu Yerusalem 4:1–24:27
Huköman Po teu Allah ateueh bansa-bansa 25:1–32:32
Janji Po teu Allah keu umat Gobnyan 33:1–37:28
Peusan keuhai huköman keu Gog 38:1–39:29
Deuh teungieng keuhai Baét Tuhan dan tanoh Israel óh singoh dudoe 40:1–48:35
Currently Selected:
YEHEZKIEL PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.