KEULUARAN PEU INTAT HABA
PEU INTAT HABA
Nan Keuluaran teucok nibak peuristiwa pokok nyang teucalitra lam kitab nyoe, na kheueh jiteubiet bansa Israel nibak nanggroe Meusé, bak teumpat awaknyan jipeujeuet keunamiet. Lam kitab nyoe na lhée bagian nyang paleng peunteng:
1. Teupeubeubaih ureuëng Ibrani nibak jipeujeuet keu namiet dan meuneujak awaknyan u Gunong Sinai.
2. Peujanjian Allah ngon umat Gobnyan di Gunong Sinai. Ubak bansa Israel geubri huköm-huköm moral, sipil dan keuagamaan keu peudoman udeb.
3. Teupeugét teumpat iébadat deungon banmandum alat-alat jih keu bansa Israel; peuratoran-peuratoran keu imeum-imeum dan cara iébadat ubak Po teu Allah.
Kitab nyang paleng phon teukisah peue nyang geupeubuet lé Po teu Allah bak watée Gobnyan geupeubeubaih umat Gobnyan nyang jipeujeuet keu namiet lé ureuëng Meusé, dan laju geubina awaknyan jeuet keu saboh bansa nyang na harapan keu masa ukeue.
Tokoh nyang paleng utama nyang teukisah lam kitab nyoe na kheueh Nabi Musa, ureuëng nyang geupiléh lé Po teu Allah keu geupimpén umat Gobnyan jiteubiet nibak nanggroe Meusé. Bagian nyang paleng meugah lam kitab nyoe na kheueh keuhai dafeutar Siploh boh Peurintah nyang na teutuléh lam Pasai 20.
Asoe jih
Bansa Israel teupeubeubaih nibak nanggroe Meusé 1:1–15:21
a. Jipeujeuet keu namiet ureuëng Israel di nanggroe Meusé 1:1-22
b. Keuhai lahé Nabi Musa dan masa udeb gobnyan di Midian 2:1–4:31
c. Nabi Musa dan Nabi Harun geumeuhadab ubak raja Meusé 5:1–11:10
d. Paskah dan beurangkat nibak nanggroe Meusé 12:1–15:21
Nibak Laôt Geulagah u Gunong Sinai 15:22–18:27
Huköm-huköm Allah dan peujanjian 19:1–24:18
Khimah Tuhan dan atoran-atoran iébadat 25:1–40:38
Currently Selected:
KEULUARAN PEU INTAT HABA: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.