KEULUARAN 17
17
Ié nibak batée rayeuk
(Teu. 20:1-13)
1 #
Teu. 20:2-13
Óh lheuehnyan banmandum umat Israel laju jitinggai padang pasi Sin dan laju jiminah-minah nibak saboh teumpat u teumpat nyang laén lagée nyang ka geupeurintah lé Tuhan. Bak saboh watée awaknyan jipeudong khimah di Rafidim, teuma bak teumpat nyan hana ié jieb. 2Dan awaknyan laju meukrôb-krôb ubak Nabi Musa sira jipeugah, “Neubri kheueh keu kamoe ié jieb.” Geujaweueb Nabi Musa, “Pakon gata meukrôb-krôb dan gata ujoe Tuhan?”
3Teuma awaknyan ka lumpah that glaih rukueng jih, hana putôh teutab jimeurapa ubak Nabi Musa. Kheun awaknyan, “Keupeue droeneueh ba kamoe meuteubiet lam nanggroe Meusé? Mangat kamoe, aneuëk-aneuëk kamoe, dan beulatang peulara kamoe maté sabab glaih tho rukueng?”
4Dan geumeudoá kheueh Nabi Musa ubak Tuhan, “Ya Tuhan, peue nyang harôh ulôn peubuet ateueh ureuëng-ureuëng nyoe? Ngieng kheueh, awaknyan keumeung rhom ulôn ngon aneuëk batée.”
5Feureuman Tuhan ubak Nabi Musa, “Jak tawök kheueh mupadub droe peumimpén dan gatajak kheueh meusajan-sajan ngon awaknyan leubeh awai nibak bansa nyan. Dan bék tuwoe gata ba sajan tungkat nyang gata peuguna watée gata seukok Krueng Nil. 6Ulôn teuma Lôn dong dikeue gata ateueh saboh batée rayeuk nibak Gunong Sinai. Seukok kheueh batée nyan, dan ié laju jiteubiet lam batée nyan sampoe banmandum awaknyan jeuet jijieb ié.” Nabi Musa laju geupeubuet lagée nyan sira jikalon lé peumimpén Israel.
7Teumpat nyan geuboh nan Masa#Masa: Nan nyoe lam basa Ibrani makna jih “teucuba”. sabab bak teumpat nyan ureuëng Israel jiujoe Tuhan watée awaknyan jiteumanyong, “Peu kheueh Tuhan na meusajan geutanyoe atawa hana?” Dan teumpat nyan jiboh cit nan laén Meriba#Meriba: Nan nyoe lam basa Ibrani “meukrób-krób”. sabab bak teumpat nyan ureuëng Israel jimeurapa.
Muprang ngon ureuëng Amalek
8Óh lheuehnyan ureuëng Amalek teuka laju jijak prang ureuëng Israel di Rafidim. 9Geupeugah lé Nabi Musa ubak Yosua, “Piléh laju mupadub droe ureuëng mangat teujak prang ureuëng Amalek. Singoh ulôn teuma lôn dong bak pucak gunong sira ulôn mat tungkat nyang Tuhan yue ba.” 10Yosua laju jipeubuet peue nyang ka geupeurintah lé Nabi Musa ubak gobnyan. Gobnyan laju geujak prang ureuëng Amalek, seudangkan Nabi Musa, Nabi Harun dan Hur laju geuteungoh gunong sampoe trok u pucak. 11Simantong Nabi Musa geubeuôt jaroe geuh, ureuëng Israel meunang. Teuma watée Nabi Musa geupeutreun jaroe geuh, ureuëng Amalek kheueh nyang meunang. 12Watée Nabi Musa ka jiteuka hek, Nabi Harun ngon Hur laju geucok sianeuk batée mangat Nabi Musa jeuet geuduek; Nabi Harun ngon Hur geudong blaih wie ngon blaih uneuen Nabi Musa keu geutumpang jaroe gobnyan mangat teutab teubeuôt sampoe án mata uroe jilob. 13Akhé jih ureuëng Amalek ji peutaloe lé Yosua.
14 #
Tel. 25:17-19; 1Sam. 15:2-9 Feureuman Tuhan ubak Nabi Musa, “Tuléh kheueh laju keuhai meunang nyoe mangat teutab ji-ingat. Peugah laju ubak Yosua bahwa Ulôn teuma Lôn peubinasa ureuëng Amalek.” 15Dan Nabi Musa laju geupeudong saboh miseubah geuboh nan miseubah nyan “Tuhan na kheueh Bupanji ulôn.” 16Geupeugah lé Nabi Musa, “Mat kheueh bumanyang-manyang bupanji Tuhan!#Mat kheueh … Tuhan: Keumungkenan that nyan makna jih. Tuhan geumuprang geulawan ureuëng Amalek keu siumu masa!”
Currently Selected:
KEULUARAN 17: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
