EFESUS PEU INTAT HABA
PEU INTAT HABA
Lam Surat Paulus Keu Jeumaáh di Efesus, nyang tuléh jipeukong Reuncana Allah mangat “Bansaboh álam nyoe, bah kheueh nyan na lam syeuruga meunan cit nyang na ateueh rhueng bumoe, jeuet keusaboh lam Almaseh sibagoe ulée” (1:10). Dan surat nyoe na kheueh sibagoe teutawök ubak umat Po teu Allah mangat awaknyan jisimak ngon jiteurimong makna reuncana agong nibak Allah keu teupeusaboh banmandum umat manusia rot Isa Almaseh.
Lam bagian nyang phon nibak surat Efesus nyoe teupeugah pakriban teupeusaboh nyan hase teujadi. Keu teupeutrang hai nyan laju jicalitra pakriban Allah Bapak ka geupiléh umat Gobnyan, pakriban Allah rot Isa Almaseh, Aneuëk Gobnyan, geupeu amphon dan geupeubeubaih umat Gobnyan nibak desya, dan pakriban teuma janji Allah nyan jijamin lé Roh Allah. Lam bagian keudua, jilakée bak dumna nyang baca surat nyan mangat awaknyan udeb rukon ngon lagée nyan meusaboh awaknyan sibagoe umat nyang meuiman ubak Almaseh hase teujadi.
Keu teutunyok bahwa umat Po teu Allah ka jeuet keusaboh sabab meusaboh ngon Almaseh, nyang teumuléh jipeuguna na mupadubboh kiasan. Jeumaáh na kheueh sibagoe tuboh dan Almaseh na kheueh sibagoe ulée jih, atawa sibagoe saboh bangunan nyang batée keunaleueng jih na kheueh Almaseh, atawa sibagoe sidroe peurumoh nyang Almaseh sibagoe lakoe jih. Nyang tuléh suratnyoe keubiet that teuharu watée teuingat ubak rahmat Allah rot Almaseh, sampoe ungkapan-ungkapan nyang jipeuguna lam surat jihnyoe deuh teukalon bahwa até gobnyan seumaken geumbira luwabiasa ngon peurasaan syukoe dan pujoe ubak Tuhan. Peue-peue mantong jikalon nibak gaséh sayang Almaseh, nibagoe hai keureubeuen Gobnyan, peuamphon desya lé Gobnyan, keuhai até Gobnyan nyang jroh dan keusucian Gobnyan.
Asoe jih
Haba phon 1:1-2
Almaseh ngon geureuja Gobnyan 1:3–3:21
Udeb nyang barô sibagoe ureuëng Kristen 4:1–6:20
Peunutôb 6:21-24
Currently Selected:
EFESUS PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.