PEUNGKHOTBAH PEU INTAT HABA
PEU INTAT HABA
Kitab Peungkhotbah nyoe na kheueh meuasoe pikeran nibak ‘Sang Seumike’. Gobnyan geutanueng sampoe án lhok that padub na paneuk jih udeb manusia nyoe, nyang peunoh peuteuntangan, keuhana adelan dan hai-hai nyang sulet teumeuphom. Teuma geusimpul kheueh bahwa “Udeb nyan na kheueh sia-sia”. Gobnyan hana hase geupeuphom tindakan Po teu Allah bak geupeunteuntée naseb manusia. Teuma bahpih lagéenyan, geubri naseuhat ubak manusia mangat geumeukeureuja leubeh jeumot, dan keu sile-le mungken seutreb mungken geunékmati beureukat-beureukat Allah.
Keubanyakan nibak boh pikeran sang seumike nyan meunada sumbang, bahkan putôh asa. Teuma keunyataan bahwa kitab nyoe jitamong u dalam Alkitab, disinan teutunyok bahwa iman nyang dasai jih Alkitab cukob luwah keu teupeutimang meunan cit keuragu-raguan dan keuputôh asaan nyang lagéenyan. Jai that ureuëng nyang ka geubaca kitab nyoe meurasa teuhibor, sabab awaknyan geukalon siulah-ulah sifeuet-sifeuet gobnyan ka teudong didalam kitab Peungkhotbah nyoe. Dan awaknyan pih sadar bahwa Alkitab nyang teuloh peumikeran-peumikeran nyang sumbang nyan, meunan cit teubri harapan keuhai Po teu Allah, harapan nyang teubri keuudeb nyang sibeuna jih.
Currently Selected:
PEUNGKHOTBAH PEU INTAT HABA: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.