KITAB TEU-ULANG 33
33
1Sigohlom meuninggai donya, Nabi Musa utosan Po teu Allah nyan, geubri beureukat ubak bansa Israel deungon haba lagéenyoe:
2“Tuhan teuka nibak Gunong Sinai;
Gobnyan geuteubiet di ateueh Edom lagée mata uroe
dan di Gunong Paran Gobnyan geubri cahya keu umat Geuhnyan.
Gobnyan geupeungon sajan lé siploh ribée droe malaikat;
apui hu disiblah uneuen Gobnyan.
3Keubit, Tuhan that-that geugaséh keu bansa Gobnyan#bansa Gobnyan teucok nibak teujeumahan kuno. Meunurot naseukah Ibrani: bansa-bansa.
Gobnyan geulindong mandum ureuëng nyang ka jeuet keu hak milék Geuhnyan.
Jak kheueh geutanyoe ta sujut dikeue gaki Gobnyan
dan tataát banmandum bubena peurintah Gobnyan.
4Huköm nyang geubri lé Nabi Musa geutanyoe taát,
sabab nyan na kheueh milék nyang paleng meuyuem keu bansa nyoe.
5Bak watée Israel geupeusapat deungon dumna peumimpén jih nyan,
Tuhan jeuet keu Raja ateueh umat Gobnyan.”
6Keuhai sukée Ruben, Nabi Musa geupeugah teuma,
“Seumoga banmandum sukée Ruben hana nyang binasa,
bahpi ureuëng Ruben na bacut sagai.”
7Keuhai sukée Yehuda gobnyan geupeugah teuma:
“Tuhan, neudeungoe kheueh Yehuda ji meuhôi Droeneueh;
neupeusaboh kheueh lom awaknyan deungon bansa droe jih.
Neu muprang kheueh keu awaknyan, ya Tuhan,
neutulông kheueh awaknyan ateueh bubena lawan.”#Neu muprang kheueh … lawan; keumungkenan that nyan makna jih. Meunurot naseukah Ibrani: Sukée Yehuda teuma jimuprang keudroe jih keudroe, dan Tuhan teuma geutulông jih nyan nibak musoh.
8 #
Keu. 17:7, 28:30; Teu. 20:13 Keuhai sukée Lewi gobnyan geupeugah teuma:
“Deungon Urim dan Tumim#Urim dan Tumim: Dua boh beunda nyang geupeuguna lé imeum mangat geuteupeue keuheundak Po teu Allah. Hana teuteupeue deungon pasti pakriban cara teungui atranyan. neupeugah banmandum keuheundak Droeneueh,
meulalu ureuëng Lewi, hamba Droeneueh nyang seutia.
Droeneueh ka lheueh neu ujo awaknyan di Masa,
dan neu meudakwa ngon awaknyan nibak mata ié Meriba.
9Awaknyan seutia ubak gata leubeh nibak peue mantong,
meunan cit leubeh nibak ureuëng tuha dan kawöm syedara.
Peurintah-peurintah Droeneueh awaknyan taát,
janji nyang Droeneueh peuget awaknyan keureuja hana piôh dan teupat teuma.
10Awaknyan ji peurunoe umat Droeneueh mangat jitaát banmandum peurintah Droeneueh
dan jipeuseumah keureubeuen di ateueh miseubah Droeneueh.
11 Tuhan, neutulông kheueh sukée nyoe mangat awaknyan teuga,
seumoga Droeneueh neuteurimong teuma ubak buet-buet nyang jikeureuja lé awaknyan.
Neupeubinasa kheueh banmandum musoh awaknyan
sampoe awaknyan hana hasele jibeudôh lom teuma.”
12Keuhai sukée Benyamin gobnyan geupeugah:
“Nyoe kheueh sukée nyang geugaséh lé Tuhan.
Gobnyan geupeulindong awaknyan uroe ngon malam
dan geutinggai teuma lamkawan awaknyan.”#dan geutinggai … awaknyan, atawa awaknyan udeb lam lindongan Gobnyan.
13Keuhai keuturonan Nabi Yusuf gobnyan geupeugah:
“Seumoga tanoh awaknyan geubri beureukat lé Tuhan ngon geupeutreun ié ujeuen,
dan meunan cit deungon ié nibak miyueb bumoe.
14Seumoga tieb-tieb musém meuboh kayée meulimpah,
boh kayée nyang gét nyang masak di cong bak.
15Seumoga bukét nibak jamén ilée
peunoh ngon hase seunaman nyang isteumewa.
16Seumoga tanoh nyan geupeulimpah teuma deungon meubagoe jeunéh nyang paleng gét,
dan geubri beureukat lé keubaékan Tuhan
nyang geumeututoe lam seumak nyang hu.
Seumoga beureukat nyan jitreun u ateueh keuturonan Nabi Yusuf,
sabab gobnyan kheueh peumimpén di lamkawan bubena syedara-syedara jih nyan.
17Teunaga Nabi Yusuf nyan na dub teunaga saboh beulatang banteng,
dan lungkée leumô agam uteuen
nyang kheueh meuribée Manasye dan meuploh ribée teuma Efraim.
Bubena bansa banmandum jipok
dan jipeusak laju sampoe trok u ujong bumoe.”
18Keuhai sukée-sukée Zebulon dan Isakhar gobnyan geupeugah:
“Seumoga Zebulon makmu kareuna nibakjak-nibakjak jih nyan,
dan Isakhar seujahtra di dalam khimah-khimah jih nyan teuma.
19Awaknyan ji undang bansa-bansa u gunong jih nyan
dan jipeuseumah keureubeuen nyang beutôi teuma disinan.
Awaknyan meuteumé keukayaan nibak lam laôt,
dan didalam anoe nibak seutôt binéh panté.”
20Keuhai sukée Gad gobnyan geupeugah teuma:
“Teupujoe kheueh Po teu Allah
nyang ka geupeuluwah wilayah Gad.
Gad jipreh-preh bak lagée saboh singa
nyang keuneuk jipriek-priek kulét jaroe ngon kulét ulée.
21Tanoh nyang paleng gét laju jicok keu droe jih mantong
jeumba pimpénan jijok teuma keu awaknyan.
Awaknyan jipeubuet mandum peurintah dan huköm Tuhan
bak watée banmandum peumimpén Israel jimeusapat teuma.”#bak watée banmandum … teuma teucok nibak saboh teujeumahan kuno.
22Keuhai sukée Dan gobnyan geupeugah:
“Dan nyan na kheueh lagée saboh singa nyang mantong muda
nyang jigrob u luwa nibak Basan.”
23Keuhai sukée Naftali gobnyan geupeugah:
“Naftali geubri limpah ngon geunaséh Tuhan;
wilayah jih phon di Danau Galilea trok u seulatan.”
24Keuhai sukée Asyer gobnyan geupeugah:
“Asyer geubri beureukat leubeh nibak sukée-sukée laén;
seumoga gobnyan jeuet keu geunaséh dumna syedara-syedara geuh nyan,
dan bak zaiton timoh ngon subô di ateueh tanoh jih nyan.
25Seumoga banda-banda jihnyan geulindong
deungon pintoe-pintoe geureubang teumaga dan beuso
mangat udeb jih sabe lam aman dan teuntram.”
26“Hai Israel! Hana ilah laén nyang lagée Po teu Allah gata;
Gobnyan geujak di ateueh langét deungon jaya
dan geu lhôb ngon geujak didalam awan keu geujak tulông gata.
27Po teu Allah kheueh siumu masa nyang jeuet keu peulindong gata,
jaroe Gobnyan nyang kong nyan jeuet keu sinumpang gata.
Gobnyan geu use musoh dikeue gata,
dan geuyue teuma gata mangat tajak peubinasa awaknyan.
28Teuma keuturonan Nabi Yakub udeb deungon aman dan teuntram
di nanggroe nyang meulimpah gandom dan ié anggô,
dan geupeutreun ngon iémbon di langét.
29Mubahgia kheueh gata, hai Israel!
Hana bansa laén nyang lagée gata nyang ka geupeuseulamat lé Tuhan.
Tuhan na kheueh lagée peudeueng dan peurisai keu gata;
keu geubila gata dan geupeumeunang ateueh gata.
Bubena musoh-musoh gata jiteuka jijak lakée beugata wéueh ngon tagaséh awaknyan,
dan gata teutab tagiloe-giloe awaknyan ngon gaki droe gata.”#dan gata … gata teucok nibak saboh teujeumahan kuno. Meunurot naseukah Ibrani dan gata teuma tajak bak bukét-bukét awaknyan.
Currently Selected:
KITAB TEU-ULANG 33: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
