KOLOSE PEU INTAT HABA
PEU INTAT HABA
Kolose na kheueh saboh banda di Asia Ubit, siblaih u timu banda Efesus. Kon Paulus nyang peudong jeumaáh di Kolose nyoe, teuma watée gobnyan geukirém ureuëng-ureuëng meukeureuja nibak Efesus, ma banda saboh propinsi Roma di Asia Ubit, gobnyan meurasa meutanggong jaweueb cit ateueh jeumaáh di Kolose nyan. Paulus ka geuteurimong haba bahwa lam jeumaáh nyan na gurée-gurée nyang jipeurunoe ajaran-ajaran nyang salah. Gurée-gurée nyan jimeukreueh bahwa keuteuturi Allah dan geupeu seulamat ngon sampoereuna, ureuëng meuseuti jiseumah “roh-roh nyang mat peurintah dan nyang mat kuasa bansigom donya”. Dilikot nibak nyan, kheun gurée-gurée nyan, ureuëng meuseuti beutaát jipeubuet peuratoran-peuratoran meukatan, seumalo dan nyang laén-laén.
Surat Paulus Keu Jeumaáh di Kolose nyoe geutuléh keugeupeugah ajaran Kristen nyang beutôi dan teubantah ajaran-ajaran nyang salah nyang ka jipurunoe lé gurée-gurée peuleusu nyan. Asoe nyang paleng peunteng lam surat nyoe na kheueh bahwa Isa Almaseh sanggob geubri keuseulamatan nyang sampoereuna dan ajaran-ajaran nyang laén nyan na kheueh teupeujiôh manusia nibak Almaseh. Rot Almaseh, Allah geucebta donya nyoe, dan rot Almaseh teuma Allah geupeu seulamat donya nyoe. Ngon lagée nyan jeulaih kheueh meusaboh ngon Almaseh, donya nyoe naharapan keu teupeuseulamat. Óh lheueh nyan Paulus laju geupeu trang hubongan ajaran nyang agong nyan ngon udeb ureuëng Kristen.
Peureulée cit teupeugah disinoe bahwa Tikhikus – nyang ba surat nyoe u Kolose keu Paulus – jipeungon lé Onesimus, namiet nyang geuyue lé Paulus keu jiriwang ubak po jih, nyan kheueh Filemon, sidroe anggota jeumaáh di Kolose.
Asoe jih
Haba phon 1:1-8
Sifeuet dan peuranan Almaseh 1:9–2:19
Udeb barô nyang jirasa lé ureuëng-ureuëng Kristen 2:20–4:6
Peunutôb 4:7-18
Currently Selected:
KOLOSE PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.