2 RAJA-RAJA PEU INTAT HABA
PEU INTAT HABA
Kitab 2 Raja-raja nyoe na kheueh sinambong seujarah nibak bandua boh keurajeuen Israel nyang kisah jih ka putôh nibak keu neulheuh Kitab 1 Raja-raja. Kitab nyoe teubagi lam dua boh bagian:
(1) Kisah seujarah nibak bandua boh keurajeuen nyan phon nibak teungoh abad nyang keusikureueng Sigohlom thon Maseuhi trok ubak rhot Samaria dan tamat keurajeuen utara nibak thon 721 Sigohlom thon Maseuhi.
(2) Kisah seujarah keurajeuen Yehuda phon nibak rhot keurajeuen Israel sampoe ubak teukeupong dan jipeuhanco Yerusalem lé Nebukadnezar raja Babel nibak thon 586 Sigohlom thon Maseuhi. Kitab nyoe teutôb deungon kisah Gedalya. Nyang jeuet keu gubunur Yehuda dimiyueb keukuasaan bansa Babel, dan keuhai jipeubeubaih Yoyakhin raja Yehuda nibak rumoh glab Babel.
Beuncana-beuncana nasional nyan teujadi sabab raja-raja dan rakyat Israel dan Yehuda hana seutia ubak Tuhan. Hanco Yerusalem dan le ureuëng Yehuda nyang teuböih u Babel na kheueh sibagoe saboh titek balek nyang rayeuk nibak keurajeuen Israel.
Nabi nyang meugah lam kitab 2 Raja-raja nyoe na kheueh Elisa, geunantoe Nabi Elia.
Asoe jih
Keurajeuen nyang teubagi 1:1–17:41
a. Nabi Elisa 1:1–8:15
b. Keurajeuen Yehuda dan Israel 8:16–17:4
c. Samaria rhot 17:5-41
Keurajeuen Yehuda 18:1–24:20
a. Phon di Hizkia trok u Yosia 18:1–21:26
b. Peumeurintahan Yosia 22:1–23:30
c. Raja-raja Yehuda nyang keuneu lheueh 23:31–24:20
Yerusalem taklok 25:1-30
Currently Selected:
2 RAJA-RAJA PEU INTAT HABA: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.