2 YAHYA 1
1
1Keu droe neuh Ma nyang ka geupiléh lé Po teu Allah, dan keu aneuëk-aneuëk Ma.#Ma nyang … aneuëk-aneuëk Ma: mungken nyang teumeukeusut na kheueh saboh jeumaáh dan anggota-anggota jih (lam ayat 4-5). Surat nyoe nibak ulôn, peumimpén jeumaáh nyang biet-biet lôn cinta gata. Kon mantong ulôn, teuma mandum ureuëng nyang jituri Allah nyang beutôi, jicinta cit gata. 2Sabab Allah tinggai lam até geutanyoe, dan sabe na meusajan tanyoe siumu masa.
3Seumoga geutanyoe geubri beureukat, rakhmat dan seujahteura lé Allah Bapak, dan Isa Almaseh Aneuëk Bapak nyan. Seumoga banmandum nyan jeuet keumilék ngon até nyang gleh dan ngon gaséh.
Keubeunaran dan gaséh
4Ulôn mangat that até watée lôn teupeue bahwa na aneuëk-aneuëk Ma nyang udeb meunurot ajaran Allah, lagée nyang ka geupeurintah lé Allah Bapak ubak geutanyoe. 5#Yah. 13:34, 15:12, 17 Sabab nyan, bak droeneueh Ma ulôn lakée ngon meuharab that mangat tanyoe mandum sabe udeb lam gaséh. Nyang ulôn peugah nyoe kon kheueh saboh peurintah nyang barô; peurintah nyoe ka geubri keugeutanyoe yoh phon that geutanyoe tameuiman. 6Saléng tameugaséh nyan makna jih udeb meunurot peue-peue nyang geupeurintah lé Allah. Dan peurintah nyang ka gata deungoe yoh phon that bahwa gata bah kheueh udeb deungon meugaséh sidroe ngon nyang laén.
7Jai that tukang teumipée kajijak-jak bansigom donya. Awaknyan na kheueh ureuëng-ureuëng nyang jiaku Isa Almaseh teuka lam donya sibagoe sidroe manusia. Ureuëng nyang lagée nyan na kheueh tukang teumipée, dan Musoh Almaseh. 8Sabab nyan, jaga kheueh bék sampoe gata gadôh peue nyang ka kamoe useuha keu gata.#ka kamoe useuha keu gata: atawa ka gata useuha. Useuha kheueh mangat gata tateurimong nibak Allah upah gata banmandum.
9Ureuëng nyang hana jimumat bak ajaran Almaseh, teuma ka meusimpang nibak peue nyang ka geupurunoe lé Almaseh, nibak ureuëng nyan hana Allah. Ureuëng nyang teutab lam ajaran Almaseh, nyan makna jih teutab na bah kheueh nyan Allah Bapak meunan cit Aneuëk. 10Lé sabab nyan, meunyoe na ureuëng teuka dan jibri tée ubak gata ajaran nyang hana geupurunoe lé Almaseh, bék kheueh gata teurimong ureuëng nyan lam rumoh gata atawa gata bri saleuem bak ureuëng nyan. 11Sabab ureuëng nyang jibri saleuem bak ureuëng nyang lagée nyan meusajan cit ngon ureuëng nyan jipeubuet nyang jeuhet.
Tutoe haba peunutôb
12Jai lumpah na nyang peureulée ulôn peugah bak gata, teuma rasa jih leubeh gét bék meulalu surat. Ulôn meuharab hase lôn jaksaweue gata dan lôn meututoe keudroe ngon gata, mangat até geutanyoe biet-biet geumbira.
13Aneuëk-aneuëk nibak syedara inong Ma nyang ka cit geupiléh lé Allah,#Aneuëk-aneuëk … Allah: mungken nyang teumeukeusut na kheueh jeumaáh nyang na bak teumpat gobnyan teumuléh. geukirém saleuem keu droeneueh Ma.
Currently Selected:
2 YAHYA 1: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
