2 KORINTUS PEU INTAT HABA
PEU INTAT HABA
Surat Paulus Nyang Keudua Keu Jeumaáh di Korintus geutuléh watée masa nyang paleng payah lam hubongan Paulus ngon jeumaáh nyan. Na anggota-anggota nibak jeumaáh nyan nyang rupa jih ka jiseurang Paulus ngon biet-biet kreueh, teuma lé Paulus teutab geutunyok droe geuh bahwa gobnyan meuheuét that meujroh. Gobnyan geupeuleumah keugalak até geuh bahwa hainyan hase teujadi.
Lam bagian phon surat geuhnyoe Paulus geukheun paneuk panyang keuhai hubongan gobnyan ngon jeumaáh di Korintus. Lam surat nyan Paulus geupeugah pakon gobnyan geuseurapa ngon kreueh that sabab jilawan ngon hina ateueh droe gobnyan nyang jipeubuet lé jeumaáh nyan. Óh ka lheueh geupeugah hai nyan, seulanjut jih laju geukheun bahwa gobnyan biet-biet harok that até bahwa ngon seurapa geuh nyang kreueh nyan ka jipeuhase meutobat dan rukon. Óh lheueh nyan gobnyan geupakat mangat jeumaáh nyan jipeusapat sumbangan keu ureuëng-ureuëng Kristen nyang udeb lam keuadaan kureueng di Yudea. Lam pasai-pasai keuneulheueh Paulus geupeugah keuhai geubila droe geuh nibak keududukan gobnyan sibagoe rasui ateueh napadub droe ureuëng di Korintus nyang jianggab gobnyan keudroe rasui siumu masa, dan jitudôh Paulus rasui peuleusu.
Asoe jih
Haba phon 1:1-11
Paulus dan jeumaáh di Korintus 1:12–7:16
Sumbangan keu ureuëng-ureuëng di Kristen Yudea 8:1–9:15
Peumbilaan Paulus keuhai keukuasaan gobnyan sibagoe rasui 10:1–13:10
Peunutôb 13:11-14
Currently Selected:
2 KORINTUS PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.