1 TIMOTIUS PEU INTAT HABA
PEU INTAT HABA
Timotius na kheueh sidroe ureuëng Kristen nyang mantong muda di Asia Ubit, nyang ka jeuet keurakan dan peumbantu Paulus nibak buet Paulus. Ayah Timotius sidroe ureuëng Yunani dan ma jih ureuëng Yahudi. Lam Surat Paulus Nyang Phon Keu Timotius, geupeugah na lhée boh hai nyang na sangkot paôt jih saboh ngon nyang laén.
Nyang phon-phon that na kheueh peuingat keu Timotius teuhadab ajaran-ajaran nyang salah nyang na lam jeumaáh. Ajaran-ajaran nyan meujampu ngon faham Yahudi dan faham nyang kon Yahudi nyang dasai jih nibak keupeucayaan bahwa bansigom alam nyoe ka jeuhet, dan keuseulamatan hase meuteumé meunyoe manusia na iéleumé peungeutahuan keuhai rahsia nyang ka teuntée, dan taát keupeuratoran-peuratoran miseu jih peuratoran hana jeuet meukawen, seumalo teumakheun peunajoh nyang ka teupeuteuntée dan laén-laén.
Nyang keudua, na kheueh peutunyok-peutunyok keu Timotius keuhai teu-uroih jeumaáh dan keuhai iébadat. Jipeugah keujihnyan keuhai sifeuet-sifeuet ureuëng nyang jeuet keupeunilék dan peubantu jeumaáh. Akhé jih Timotius geupeurunoe keuhai pakriban geuhnyan jeuet keuhamba Isa Almaseh nyang gét dan keuhai tanggong jaweueb ateueh tieb-tieb golongan ureuëng nyang jeuet keu anggota jeumaáh.
Asoe jih
Haba phon 1:1-2
Peutunyok-peutunyok keuhai jeumaáh dan dumna peunguruih jih 1:3–3:16
Peutunyok-peutunyok keu Timotius keuhai buet geuh 4:1–6:21
Currently Selected:
1 TIMOTIUS PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.